ليزي كيك بالدبس و الطحينة

ليزي كيك بالدبس و الطحينة

أكيد كلنا منعرف الليزي كيك أو متل ما بيسموه ببعض البلدان سكسيه , حبيت قدملكن ياه بنكهة جديدة عن النكهات يلي بتعرفوها , الدبس و الطحينة بالوصفة بيضيفو نكهة لا تقااااااوم .

يمكن رح تسألو حالكن كيف بتكون النكهة و يا ترى رح تكون ظاهرة و واضحة تماماً ؟؟ الجواب لأ ما في حدا رح يعرف مكونات الوصفة , كل ما أقدمها لضيوفي بيستمتعو فيها و بيحسو بنكهة جديدة و مميزة , و بيسألوني عن سر النكهة الطيبة الغير شكل و اليوم عم أكشف هالسر الذيذ .

عادة منستعمل الزبدة لعمل السكسيه حتى ما يطلع البسكويت ناشف بهالوصفة الطحينة رح تعوض مكان الزبدة بالإضافة لقوامها و نكهتها الغنية .

في صبايا سألوني عن وصفات تكون مناسبة للفتيات الصغار يلي عم يتعلمو جديد يدخلو على المطبخ هالوصفة مناسبة جداً لأنها سهلة الإعداد و سريعة .

المقادير :

½ كوب طحينة

½ كوب دبس عنب

½ كوب حليب

½ كوب جوز مقطع خشن و محمص

1 ملعقة كبيرة عارمة كاكاو ( من النوع الغامق الخالي من السكر )

1 ملعقة صغيرة فانيليا

225 غ بسكويت سادة ( استعملت ¼ 3 باكيت , كل باكيت بوزن 60 غ )

للتزيين :

كاكاو

الطريقة :

  1. يجهز قالب السكسيه بوضع ورقة نايلون بداخله بحيث تكون أطراف النايلون أكبر من القالب , في وعاء كبير يكسر البسكويت باليد و يترك جانباً .
  2. في وعاء آخر نضع الطحينة , الدبس و الحليب نضيف فوقها الكاكاو بعد نخلها و الفانيليا و نخلط بمضرب سلك حتى تتجانس المواد جيداً و نحصل على صوص لذيذ جداً , يضاف الجوز و يقلب ( موقع بيسكوتارت ).
  3. يسكب الصوص فوق البسكويت المكسر و يخلط باليد جيداً حتى يتوزع الصوص على كامل البسكوت , يسكب المزيج في القالب المجهز و تطوى أطراف النايلون فوقه و نضغط بباطن اليد جيداً حتى لا تبقى أي فراغات في المزيج , يغلف و يترك في الثلاجة لليوم الثاني .
  4. في اليوم الثاني يقلب على طبق التقديم و يزال النايلون و يرش بالكاكاو و يقدم .

ملاحظات :

  1. الكمية السابقة تكفي لثلاثة أرباع قالب الليزي كيك العادي , إذا لم يتوفر القالب يوضع المزيج على نايلون و يلف بالطريقة التقليدية .
  2. يجب أن يكون الدبس بقوام العسل تقريباً إذا كان الدبس المتوفر لديك سميك اخلطيه مع القليل من الماء المغلي ثم خذي منه مقدار نصف كوب .

2 تعليقات

  1. يعطيكي العافية متحمسة كتير لهالتجربة الفريدة
    بس مقدار البسكوت مو واضح
    بتقصدي 3 باكيتات وربع من وزن 60 غرام؟؟؟

    • سها قمند

      الله يعافيكي يا رب و إنشاء الله تتوفقي فيها و تحبيها
      تمام البسكويت المتوفر بسورية بوزن 60 غ لكل باكيت لذلك لزمني ثلاث باكيتات و ربع بغير بلدان بيكون الباكيت وزنو مختلف منحتاج لتنفيذ الوصفة ما بين 200 غ حتى 225 غ

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>