سلطة العدس مع الخبز المقلي

سلطة العدس مع الخبز المقلي

سلطة أوربية بس المذاق قريب جدا من زوقنا الشرقي , بل في صمصوم ذوقنا الشرقي :D , شي نغم و تغير شكل و كمان غنية بالفيتامينات يعني مناسبة للرجيم و بتعطيكي طاقة خاصة إنو العدس البني معروف بغنى بالحديد , و إذا كنت عم تعملي رجيم أو بتراقبي سعراتك الحرارية لا تقلي  الخبز فتحي طبقتين و دهني بالزيت بالفرشاية و حطي تحت الشواية ليتحمص و بعدين كسري بإيديكي و قللي كمية زيت الزيتون بالتتبيلة حسب رغبتك , أما أنا بحب أكلها هيك متل ما شفتوها بالصورة و بحب قص الخبز مكعبات قد بعضها و اقليها بالزيت و اقعد أكلها و أدلع حالي .

المقادير :

½ كوب عدس مجدرة

2 حبة بندورة متوسطة مفرومة

3 – 4 حبة بصل أخضر أو بصلة متوسطة مقطعة شرائح رقيقة

½ باقة بقدونس مفروم

التتبيلة :

¼ كوب زيت زيتون

¼ كوب عصير ليمون

1 ملعقة صغيرة ثوم مهروس

1 ملعقة صغيرة برش ليمون

½ ملعقة صغيرة كمون

ملح و فلفل أسود مطحون حسب الرغبة

للتقديم :

رغيف خبز سوري مقطع مربعات و مقلي بالزيت

الطريقة :

  1. يغسل العدس و يسلق حتى ينضج ( لا تبالغي في سلقه حتى لا تنفصل عنه القشرة ) ثم يصفى جيداً و يوضع في وعاء عميق ( يمكن سلق العدس حتى يقارب النضج ثم يرفع عن النار و يغطى و يترك يكمل نضجه في الماء الساخن ).
  2. تضاف البندورة و البصل و البقدونس و يحرك الجميع ( موقع بيسكوتارت ).
  3. تحضر التتبيلة : نمزج الزيت مع عصير الليمون , الثوم , الكمون, الملح و الفلفل و تحرك بمضرب يدوي ثم تسكب فوق السلطة و تحرك جيداً و تقدم مع الخبز المقلي .

2 تعليقات

  1. الله يعطيكي العافية أول مره بسمع فيها شكلها مشهي جداً جداً جداً وأكيد أكيد رح جربها هالأسبوع بإذن الله الواحد الأحد

    • سها قمند

      الله يعافيكي
      إنشاء الله تجربيها و تحبيها , بالتوفيق إنشاء الله و بانتظار رأيك

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>