فاصولياء بزيت الزيتون على الطريقة التركية

فاصولياء بزيت الزيتون على الطريقة التركية

أكلة تربيت عليها من الصغر و كانت جدتي الله يرحمها تعملها , صح إنو أنا ما تعلمتها من جدتي مباشرة لأنو بهديك الأيام كان من وظيفتي التشطيب ع الصحن , و الله يديم الوالدة يلي تعلمت الوصفة منها .

يمكن تستغربوا إنو في سكر بالوصفة أو تقولوا إنو كتبتها بالغلط بس الحقيقة إنو الأكل التركي المطبوخ بالزيت كلو في شوية سكر و بيعطي فرق بالطعم , الجيل الجديد من الأتراك عم يستعمل شوية ثوم مفروم ( حوالي 3 فص ثوم مفروم ) بس القدامى ما كانوا يستعملوا  الثوم حتى إني سألت أقربائي من الأتراك حتى أتأكد من الموضوع , لذلك الأمر راجع لذوق كل شخص , هالطبخة ما فيكي تاكليها مباشرة بعد الطبخ لازم تتركيها تبرد لحتى تصير بحرارة الغرفة أو تبرديها بالبراد و الطعم بيفرق كتير و تغميس مع شوية خبز سوري يا عيني نغغغم , يعني طعمة مختلفة عن الفاصولياء بالزيت الحلبية المميزة بنكهة الكزبرة و الثوم .

الأفضل إنو تحضروا هالوصفة من فاصولياء نوع ( عيشة خانم ) لأنو أطيب بس ممكن إذا ما توفرت تعملوها بالنوع العادي .

المقادير :

⅓ كوب زيت زيتون

1بصلة كبيرة مقطعة

1 كيلو فاصولياء عيشة خانم   ( مجهزة و مقطعة )

3 حبة كبيرة  بندورة ناضجة

ملح حسب الرغبة

½ ملعقة صغيرة سكر

1 ملعقة كبيرة دبس البندورة ( معجون الطماطم )

الطريقة :

  1. في قدر عميق نضع الزيت و البصل و الفاصولياء , ترفع القدر على النار و تقلب المكونات و يترك على نار متوسطة حتى تنضج .
  2. في هذه الأثناء تقسم كل البندورة إلى قسمين يستخرج البذر و تبشر بمبشرة الجبنة على الوجه الخشن لاستخراج اللب و يرمى القشر .
  3. تضاف البندورة و معجون الطماطم و الملح و السكر إلى الفاصولياء و يوضع غطاء القدر ولكن ليس بإحكام و تترك حتى تعقد البندورة مع التقليب بين الحين و الأخر ( يضاف القليل من الماء إذا دعت الحاجة )
  4. تقدم باردة أو بحرارة الغرفة ( لا تؤكل ساخنة أبداً ).

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>