مربعات بمربى الورد

مربعات بمربى الورد بالصور

مربى الورد إحدى الوصفات التي تشتهر بها مدينة حلب , و السياح لما بيدوقوا هالمربى بيحبوها كتير و بيستغربوا إنو الورد بينعمل مربى  , طبعأً مو أي ورد رح يكون صالح لحتى ينعمل منو مربى في نوع خاص من الورد ينبت بشهر أيار و بهالشهر لما بتمشي بأسواق المدينة بتشوف البياعين حاطين هالورد و عم ينادوا عليه للبيع و لما منشتريه رائحة البيت كلها بتصير حلوة و بتحسي بالانتعاش .

طبعاً ممكن تستعملوا أي نوع مربى مفضل عندكم بس إذا جربتوها مع مربى الورد رح تحبوها كتير و رح تحبو شغلها لأنو و أنتو عم تشتغلو رح تستمتعوا بريحة الورد و لا يمكن تقاوموا هالريحة , لما كنت عم صور الوصفة ما تمالكت نفسي و أكلت كم حبة و ما رح قول كم حبة خلوها سر :)

 

المقادير:

3 بيضة

¾  كوب سكر ناعم

1 ظرف فانيليا

¾ كوب زبدة مذوبة

2/1 2 كوب طحين ( تراعى القاعدة العامة لقياس المقادير هنا )

2 ملعقة صغيرة بيكنج باودر

رشة ملح

للحشوة :

كوب و ربع مربى الورد ( الوصفة هنا )

الطريقة :

  1. تدهن صينية بايركس مقاس ( 25 * 30 ) سم بالزبدة و ترش بالطحين , يحمى الفرن على 180 مئوية .
  2. ينخل الطحين مع البيكنج باودر و الملح و يترك جانباً .
  3. في وعاء كبير يخفق البيض مع السكر و الفانيليا حتى يذوب السكر حوالي 2 – 3 دقيقة , نضيف الزبدة المذوبة و نخفق حتى تمتزج المكونات .
  4. نضيف الطحين و نحرك باليد حتى تندمج المكونات و نحصل على عجينة لينة تلتصق باليد , يؤخذ قسم من العجينة بحجم البرتقالة و يترك جانباً تمد باقي العجينة في الصينية المجهزة و نحاول أن نمد العجينة على الأطراف أيضاً بارتفاع 2 سم تقريباً ( إذا كانت العجينة تلتصق باليد كثيراً استعيني بقطعة من النايلون لمد العجينة أو ضعيها في البراد لمدة 30 دقيقة ).مربعات بمربى الورد 1
  5. نوزع المربى على العجينة .مربعات بمربى الورد 2
  6. تضاف من 2 إلى 3 ملعقة كبيرة من الطحين إلى العجينة المتبقية و تعجن جيداً ثم تبشر بمبشرة الجبنة و توزع فوق المربى .مربعات بمربى الورد 3
  7.  تخبز في الفرن الحامي حتى تصبح ذهبية اللون من جميع الأطراف , تترك لتبرد تماماً ثم تقطع مربعات و تقدم .

2 تعليقات

  1. كم غرام زبدة؟ حجم قالب الزبدة يختلف اختلافا كبيرا بين بلد و آخر .

    • سها قمند

      عالمياً كل كوب زبدة يساوي 200 غ و يساوي 16 ملعقة كبيرة من ملاعق القياس
      يعني بالوصفة رح تحتاحي ثلاث أرباع كوب من الزبدة يساوي 150 غ
      ممكن تطلعي على الطريقة الصحيحة لقياس المقادير , رابط المقالة موجود بالوصفة جانب مقدار الطحين

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>