كبة نية بالبطاطا

كبة نية بالبطاطا

وصفة سهلة و سريعة مناسبة جداً لسفرة رمضان أو كصنف مقبلات بأي وقت بتحبي من السنة , بمدينة حلب متعودين نعمل إما كبة نية بالهبرة ( يعني اللحمة المدقوقة ) أو الكبة النية بالزيت ( الوصفة هنا ) يمكن تشوفي الفكرة غريبة بس لمى تجربيها رح تحبيها لأن البطاطا المسلوقة بتعطي طعم طيب و القوام رح يصير ناعم و يدوب بالتم .

بالنسبة للبطاطا في ستات بيسلقو البطاطا بعد التقشير و هذا خطأ لأن البطاطا بهيك حالة رح تشرب ماء كتير و تفقد خواصها و رح تخرب الوصفة بالنسبة إلي  دائماً بسلقها بقشرها.

المقادير :

1 كوب برغل ناعم

1 بصلة صغيرة

1 ـ 2  ملعقة كبيرة دبس فليفلة

1 ـ 2  ملعقة كبيرة دبس بندورة

1 ملعقة صغيرة فلفل مطحون طازج

1 ملعقة صغيرة كمون

ملح حسب الرغبة

2 حبة بطاطا متوسطة الحجم مسلوقة

الطريقة :

1ـ يغسل البرغل و يصفى و يترك جانباً ليطرى حوالي 10 دقائق أو ربع ساعة .

2ـ تقطع البصلة أرباع و تضاف إلى البرغل مع دبس البندورة و دبس الفليفلة و الملح و بقية التوابل .

3ـ تضاف البطاطا المسلوقة و المقطعة و تطحن بماكينة الكبة , يشكل المزيج على شكل الكبة النية وتقدم و صحتين و عوافي

2 تعليقات

  1. يسلم هالأيدين يارب بتشهي

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>