طريقة عمل الناطف الحلبي بالبيت

طريقة عمل الناطف الحلبي في البيت

ناطف قلبي على ناطف :D

الوصفة الأصلية الحلبية للناطف بتنعمل من شرش الحلاوة و بما إنو تأمين شرش الحلاوة صعب شوي و الصبايا بالغربة بيشتهو على الناطف و ما في شرش حلاوة لذلك هالوصفة بتعطي نفس قوام الناطف الأبيض اللذيذ و بدون شرش حلاوة أنا سميتها بديل الناطف لأنو رح نستخدم بياض البيض و طريقة التحضير بتشبه كريمة الميرانغ يعني رح نعمل قطر و نصبو على بياض البيض المخفوق و هو عم يغلي متل الخيط ( قوام القطر و طريقة إضافتو هي السر ) , النتيجة رائعة و متل الناطف يلي منشتريه من السوق بس أهم شي تتقيدي بالمقادير و النصائح .

هالوصفة بتعمل كمية كبيرة من الناطف ممكن تعمل نص الكمية لأنو كل بياض بيضة بيحتاج 1 كوب سكر و ثلث كوب ماء .

المقادير :

2 كوب سكر

⅔ كوب ماء

أقل من ربع ملعقة ملح الليمون أو 1 ملعقة كبيرة عصير ليمون

2 بياض بيض بحرارة الغرفة

رشة ملح

رشة فانيليا

بضع قطرات من ماء الزهر المركز

الطريقة :

  1. يوضع السكر و الماء و عصير الليمون في كسرولة عميقة و يرفع على النار مع التحريك حتى يذوب السكر , عندما يبدأ المزيج بالغليان نتوقف عن التحريك , نخفض درجة الحرارة و يترك يغلي حوالي 10 دقائق ( المدة تعتمد على حرارة الغاز )  في هذه الأثناء نغسل أطراف الكسرولة بفرشاة مبلولة بماء بارد أو بقطعة قماش مبلولة و لاختبار قوام القطر نسكب ملعقة صغيرة من القطر في زبدية ماء بارد و نحاول أن نجمع القطر إذا تجمع بين أصابعك مثل الهلام هذا يعني أنه جاهز و إذا كان لديك ميزان حرارة للحلويات يجب أن تصل درجة حرارة القطر حتى 120 مئوية .
  2. بعد أن يبدأ القطر بالغليان يخفق بياض البيض مع رشة ملح و رشة فانيليا حتى يتكاثف جيداً و هذه خطوة مهمة .
  3. يصب القطر و هو يغلي على شكل خيط فوق بياض البيض المخفوق مع استمرار الخفق حتى تنتهي كمية القطر , يضاف ماء الزهر و نخفق .
  4. نستمر بالخفق حتى يبرد الناطف ثم يحفظ في وعاء محكم الأغلاق لحين الحاجة و يقدم مع الكرابيج الحلبية .

2 تعليقات

  1. عزيزتي تسلم ايدك على كل الوصفات الطبية الي عم تعطينا اياها ممكن طريقة الناطف. بشرش الحلاوة وبكون مشكوره وكل عام وانت وانت بالف

    • سها قمند

      الله يسلمك يا رب
      حالياً عم ابحث عن وصفة تكون سهلة و بنفس الوقت مضمونة و إن شاء الله ما بقصر و بنشرها بالموقع بإذن الله

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>