حراء اصبعه باللبن الزبادي

حراء اصبعو ( حراق اصبعو ) باللبن الزبادي

أكلة سريعة و خفيفة خاصة للعشاء , مكوناتها بسيطة و متوفرة بكل بيت و الأحلى من هيك إنو إذا عندك خبز بايت أحسن ما ترمي ممكن تستغلي بأكلة طيبة ما باتاخد منك أكتر من ربع ساعة و بتكون جاهزة على السفرة .

هي الأكلة اول مرة أكلتها كانت عند بنت خال ماما ( السيدة سحر طحان ) و كتير بتطلع طيبة من تحت دياتها , من كم يوم لما أجت بزيارة طلبت منها إنو تحضر هالأكلة حتى صورها و نزلها هون على الموقع و طبعاً رحبت كتير بالفكرة و كمان أصرت إنو تجيب الجاط يلي بالصورة من عندها من البيت لأنو بتحب تقدمها بهالجاط  :)

حراء اصبعو باللبن الزبادي ( حراق باصبعو )

المقادير :

3 رغيف خبز سوري

¼ كوب زيت نباتي

1 بصلة كبيرة مفرومة

4 حتى 5 ملعقة كبيرة معجون الطماطم ( دبس البندورة المعلب )

من ليتر حتى ليتر و نص ماء

ملح حسب الرغبة

صوص اللبن الزبادي :

كيلو و ربع من اللبن الزبادي

1 ملعقة صغيرة ثوم مهروس

ملح حسب الرغبة

للتزيين ( الكوية ) :

1 ملعقة كبيرة سمنة

1 ملعقة كبيرة زيت نباتي

1 ملعقة صغيرة فليفلة حمراء بودرة ( بابريكا )

الطريقة :

  1. قبل يوم أو قبل بضع ساعات تجفف أرغفة الخبز بالهواء حتى تصبح يابسة تماماً ثم تكسر إلى قطع .
  2. يسخن الزيت النباتي و يقلى البصل المفروم حتى تصبح أطرافه زهرية اللون , يضاف معجون الطماطم و يقلى لبضع دقائق ثم يضاف ماء كافي لغمر الخبز , يضاف الملح و يترك المزيج يغلي على نار متوسطة حتى يعقد قليلاً .
  3. في هذه الأثناء يوضع اللبن الزبادي في وعاء كبير و يتبل بالثوم المهروس و الملح و يخفق بالمضرب اليدوي حتى يتجانس , يترك جانباً .
  4. بعد أن يعقد صوص البندورة و البصل ترفع القدر عن النار و يضاف الخبز المقطع اليابس و تحرك جيداً حتى يتشرب الخبز الصوص ( يجب أن يتشرب الخبز من الصوص بشكل جيد و يكون القوام لين , أي لا يجب أن يصبح الخبز متكتلاً مثل العجين ) .
  5. يسكب مزيج الخبز مع ما تبقى من الصوص في جاط كبير , يوزع صوص اللبن الزبادي فوقه و يزين بكوية الفليفلة .
  6. لعمل الكوية : في مقلاة تسخن السمنة و الزيت , ترفع عن النار و تضاف البابريكا و تحرك ثم تسكب فوق صوص اللبن الزبادي و يقدم الجاط ساخناً .

ملاحظة : عند إعداد كوية الفليفلة إذا أصبحت السمنة حامية تترك تبرد قليلاً قبل إضافة البابريكا حتى لا يتحول لونها من الأحمر للأسود .

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>