مخلل اللفت

مخلل اللفت

مخلل اللفت من أطيب المخللات الشتوية و المميز في إنو المخلل الوحيد يلي ممكن نشرق مرقتو يعني و لا نقوطة و لا فرفوطة من هالمخلل تذهب هباءً منثورا
لحتى يطلع لون المخلل حلو في أشخاص بيحطو شوندر و في ناس بتحط جزر أحمر بس عفكرة بيطلع لونو حلو حتى لو ما استعملت أي شي لأنو اللون الغامق لقشرة اللفت رح يصير زهري حلو بعد التخليل لكن المكون السري الأول هو الكركديه!!! أكيد رح تستغربو الكركديه بتعطي لون حلو بالإضافة إنو فيو حموضة , كمان المكون السري التاني هو السكر يلي بيسرع التفاعل ( طبعاً الحرارة بتلعب دور كبير كمان ) و عقولة الحلبية (بيفقع حمضو) و مع صحن مجدرة ثنائي خيالي ممممم
بالعادة مخلل اللفت منقطعو لأصابع بس بتبقى متصلة مع بعضها , حبيت هالمرة قطعوا متل السوق ,بالصورة الأصابع رفاع شوي لأنو والدتي هيك قطعتن بس الأفضل يكونو سوي أسمك متل أصابع البطاطا .
المقادير :
1 كغ لفت
1 ملعقة صغيرة سكر
1 ملعقة صغيرة ملح الليمون
ملح مونة ( لكل 1 كوب سعة 250 ملل 1 ملعقة كبيرة ممسوحة ملح )
قليل من أوراق الكركديه الجافة
الطريقة :
1. ينقع اللفت بالماء ساعة على الأقل ليسهل نزع التراب عنه .
2. يغسل جيداً و يمكن الاستعانة بفرشاة .
3. يقطع عقبه و يقسم إلى أربعة أقسام بشرط أن تبقى متصلة من القاعدة أو يقطع إلى أصابع خشنة .
4. يرص في وعاء زجاجي و يملئ بالماء بواسطة كوب سعة 250 ملل مع عد الأكواب .
5. يفرغ الماء في قدر و يرفع على النار حتى يغلي يرفع عن النار , يضاف الكركديه ,و يذاب السكر و ملح الليمون و الملح .
6. يسكب مزيج التخليل مع الكركديه فوق اللفت و يوضع كيس نايلون بحيث يكون ملامس لسطح محلول التخليل و يحكم إغلاق المرطبان و يوضع في مكان دافئ حتى يتم التخليل مدة 10 أيام .
ملاحظات :
1. لا يفتح المرطبان أثناء عملية التخليل لأن هذا يوقف التفاعل .
2. يوضع وعاء تحت المرطبان قد يحدث فوران عندما يبدأ بالنضوج .

2 تعليقات

  1. هل نصب مزيج التخليل على اللفت و هو ساخن أم يجب تبريده أولاً ؟

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

error: Content is protected !!