بسكويت بالطحينة

بسكويت بالطحينة
بما إنو تركيا من البلدان القريبة لسورية فكتير من المواد المستخدمة بالمطبخ الحلبي ممكن تلاقوها كمان بالمطبخ التركي متل الطحينة , يمكن رح تستغربو إستخدام الطحينة بوصفة حلوة لأنو نحن متعودين عليها بالوصفات المالحة متل المتبل , لكن هي وصفة مشهورة كتير بتركيا و بصراحة هي وحدة من وصفاتي المفضلة مع فنجان الشاي يعني بتلاقيني عم حلق بغير عالم , ناعمة و هشة و بدوب بالتم متل الغريبة صحيح إنو الغريبة من عيوبها إنو تشقق بس هي الوصفة أصولها تكون بهالشكل و ماإلها طريقة تزيين أو شكل تاني و هاد كمان أحد أسباب إعجابي فيها لأنو ما حتحتاجي شوبك أو قطاعات بسكوت بكل سهولة بتكوريهم يعني حتى الأطفال فيهم يساعدو بهيك وصفة .
المقادير:
200 غ زبدة بحارة الغرفة
¾ كوب سكر بودرة
1 صفار بيضة ( يترك البياض للوجه )
1 باكيت فانيليا
¾ كوب طحينة
3 كوب طحين ( تراعى القاعدة العامة لكيل الطحين )
للتزيين :
بياض بيضة
جوز مفروم حسب الحاجة
الطريقة :
  1. تدهن صينيتي فرن بالزبدة دهناً خفيفاً , يحمى الفرن على درجة 180 مئوية و يوضع الرف في وسط الفرن .
  2. تخفق الزبدة لمدة دقيقتين , يضاف السكر و نستمر بالخفق حتى يصبح المزيج هشاً مثل الكريما .
  3. يضاف صفار البيضة و الفانيليا و نخفق حتى تمتزج ثم تضاف الطحينة و نخفق حتى تتجانس المواد .
  4. ينخل الطحين فوق المزيج السابق و نحرك باليد ( دون المبالغة بالعجن ) حتى تمتزج جميع المواد ( العجينة ذات قوام مفتت لكن تشكيلها ليس صعباً ).
  5. يخفق بياض البيض بالشوكة قليلاً حتى يتفكك , تشكل العجينة على شكل كرات بحجم الجوزة , يغمس أعلى الكرات في بياض البيض ثم في الجوز و تصف في الصينية مع ترك مسافة بين الواحدة و الأخرى , اضغط على الكرات بخفة لتتسطح.
  6. تخبز في الفرن حتى تصبح ذهبية اللون , تخرج الصينية من الفرن و تترك البسكوتات تبرد في الصينية ليسهل حملها .
ملاحظة :
استخدمت لخبز البسكوت فرن كهرباء , و فرني أبطء من بقية الأفران لذلك استغرق خبز البسكوت معي 15 دقيقة و في نهاية مدة الخبز اشعلت الشواية لمدة 2-3 دقيقة , طبعاً كل سيدة أدرى بنوع فرنها لذلك إذا كان فرنك حامي قد تستغرق الوصفة مدة أقصر

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>