معروكة الدبس و السمسم

معروكة الدبس و السمسم

أحياناً بقول لحالي الأكل ما منستمتع في بس لمجرد إنو طيب و لذيذ كمان متعة الكل هي الذكريات المرتبطة بعقلنا مع كل نكهة و كل أكلة يعني في أكلات بتذكرك بطفولتك أو بأيام المدرسة و رحلاتها يعني الأكل حالة عاطفية و قصة ذكريات .

هالمعروكة كانت زمان منتشرة أكتر من هالأيام و بتذكر كنا نشترهيا ملفوفة بورق رقيق و هالسمسم عم يهرهر منها …. يا سلام حالياً عشاق هالوصفة تراجعوا مقابل الأنواع الجديدة من المعروك يلي بينحشى شوكولا و جبنة و تفننات تانية طبعاً أنا مالي ضد الوصفات الجديدة أبداً و خاصة المحشية شوكولا أو زبيب بس بنفس الوقت ما بحب شي ينقص من تراث المطبخ الحلبي لذلك حبيت قدم هالمعروكة و ممكن تشوفي فيديو الوصفة على الرابط  ( هنا )

المقادير :

400 غ طحين

2 ملعقة كبيرة بودرة حليب

¼ معلقة صغيرة يانسون

½ ملعقة صغيرة محلب

1 باكيت صغير خميرة

رشة ملح

4 ملعقة كبيرة سكر

60 غ زبدة بحرارة الغرفة

1 ملعقة صغيرة خل

1 كوب حليب دافئ

للوجه :

3 ـ 4 ملعقة كبيرة دبس

قليل من الماء

سمسم ( بدون تحميص )

الطريقة :

1 ـ تذاب الخميرة مع 1 ملعقة كبيرة سكر في نصف كوب من الحليب الدافئ و تغطى و تترك 5 دقائق للتتفاعل .

2 ـ في هذه الأثناء ننخل الطحين مع الحليب البودرة و اليانسون و المحلب  في وعاء كبير , ثم نضيف باقي السكر و الملح و الزبدة .

3 ـ نضيف مزيج الخميرة إلى مزيج الطحين و نعجن , يضاف الخل ثم يضاف باقي الحليب بالتدريج ( يجب أن تحصلي على عجينة ناعمة و طرية و لا تلتصق باليد ) كلما كانت العجينة أطرى كلما حصلت على نتيجة أفضل .

4 ـ تعجن العجينة ما بين 5 ـ 10 دقائق ثم توضع في وعاء كبير مدهون بالزبدة , قلبي العجينة داخل الوعاء ليتغطى سطحها بالزبدة ثم غطيها بالنايلون و اتركيها في مكان دافئ حتى يتضاعف حجمها .

5ـ جهزي صينية فرن بورق الزبدة , و سخني الفرن على حرارة 180 مئوية , إذا كان الدبس كثيف القوام امزجيه مع القليل من الماء و حركي جيداً حتى تحصلي على قوام مناسب ( لا تكثري من الماء حتى لا تتعجن المعروكة )  .

5 ـ بعد أن يتضاعف حجمها اضغط على العجينة لإخراج الهواء منها , أقطعيها إلى قسمين  رقي القسم الأول بشكل بيضوي اطويها نصفين ثم انقليها إلى صينية الفرن ( الطوي يسهل نقل العجينة للصينية ) افرديها مرة أخرى , كرري العملية مع النصف الأخر .Marouk step 1

6 ـ ادهني سطح العجينة بمزيج الدبس و رشي عليها كمية وافرة من السمسم , ثم اضغط عليها بلطف بأطراف الأصابع لتثبيت السمسم ثم اخبزيه على الرف الأوسط من 20 ـ 25 دقيقة أو حتى يحمر أسفلها , أخرجيها من الفرن و ضعيها على رف شبك ثم ادهني سطحا مرة أخرى بالدبس و صحة و عوافي .Marouk step 2Marouk step 3

شاركها على بينترست

5 تعليقات

  1. اقتراح ادخال الزبيب على الوصفه

    • سها قمند

      برحب باقتراحك أخ محمد
      يلي بيرغب ممكن يضيف حسب رغبتو مافي مشكلة

  2. يسلموووا ايديكي سها :* هاد من ألذ أنواع المعروك لدي وكان والدي رحمه الله كل يوم لازم يجيب منوو تازة وما صدق أفطر و أكل كتيير قليل حتى متع حالي بكوب القمردين مع معروك الدبس الله يرحم هديك الأيام ويرحم والدي :( يـــــــــــــاريت ترجع متل ما كانت و أحلى بإذن الله … … رح حاول طبقها وفرجيكي النتيجة إن شاء الله

    • سها قمند

      الله يسلمك رفاه
      الله يرحمو يا رب , يا ريت أيام زمان بترجع و الذكريات الحلوة :(
      بانتظار تطبيقك رفاه و فيكي تبعتي صورة التطبيق حتى أنشرها ع صفحة الفيس بوك , بالتوفيق إنشاء الله

    • I feel sasfiited after reading that one.

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>