كب كيك جوز الهند

كب كيك جوز الهند

لعشاق الكب كيك و عشاق جوز الهند وصفة من ضمن الوصفات يلي حضرتها خصيصاً لـ موقع بيسكوتارت رح نستخدم فيها جوز الهند المجفف و الطازج خاصة إنو جوز الهند الطازج مظلوم نوعاً ما بالمطبخ العربي .

هالنوع من الكب كيك سهل التحضير و بنفس الوقت طيب و أنيق بالتقديم ممكن تعملي للعيلة أو لبوفيه أو عيد ميلاد , خاصة إنو الستات بيقضو وقت طويل لتحضير الأصناف المالحة لذلك بنصحون يختارو وصفات سهلة و أنيقة للحلويات متل وصفة اليوم .

المقادير : الكمية 12 كب كيك

150 غ زبدة بحرارة الغرفة ( تعادل ثلاث أرباع الباكيت )

1 كوب سكر ناعم الحبيبات

¼ ملعقة صغيرة ملح

2 بيضة كبيرة الحجم بحرارة الغرفة

⅔ كوب حليب ( يمكن استخدام حليب جوز الهند )

1 ملعقة صغيرة فانيليا سائلة

½ كوب جوز الهند

¼ 1 كوب طحين كاتو ( راجعي الطريقة الصحيحة لقياس المقادير )

½ 1 ملعقة صغيرة بيكينغ باودر

كريمة الجبنة :

30 غ زبدة طرية ( بحرارة الغرفة )

125 غ جبنة كريمية

½ كوب سكر بودرة

1 ملعقة كبيرة بشر ليمونة

½ ملعقة كبيرة عصير ليمون

للتزيين :جوز هند طازج مقشر و مبشور

الطريقة :

  1. تحضير الكب كيك :يحمى الفرن على 180 مئوية و يثبت الرف الأوسط و تجهز صينية كب كيك بالورق الخاص .
  2. تخفق الزبدة حوالي 3 دقائق ثم يضاف السكر و الملح و تخفق حتى تصبح كريمية و هشة , يضاف البيض الواحدة تلو الأخرى مع الخفق بعد إضافة كل بيضة , يضاف الحليب و الفانيليا و جوز الهند و نخفق حتى تتجانس المكونات .
  3. ينخل الطحين و البيكنغ باودر فوق مزيج الزبدة و نخفق حتى تختلط المواد ( لا تبالغي بالخفق ) , يوزع المزيج على الصينية و يخبز من 18 حتى 20 دقيقة , يخرج من الفرن و يترك يبرد في الصواني لمدة 5 دقائق ثم ينقل على شبك ليبرد ثم يزين .
  4. لتحضير كريمة الجبنة : تخفق الزبدة في وعاء عميق حتى تصبح هشة و كريمية ثم تضاف الجبنة و تخفق حتى تصبح هشة أيضاً , انخلي السكر فوقها و أضيفِ بشر الليمون و عصير الليمون و اخفق حتى تتجانس المواد .
  5. تزيين الكب كيك : ادهني طبقة خفيفة من الكريما على كل حبة كب كيك و زيينها بجوز الهند الطازج المبشور .

12 تعليقات

  1. Natalya hamdo Kabartay

    يسلموا ايديكي سها بس والله نقول كب كيك ولا لوحة فنية . يعني بوصفاتك العين بتاكل وبتشبع من الشكل الحلو جنب الوصفة الراكزة المزبوطة والطيبة يسلم ايديكي .

    • سها قمند

      الله يسلمك نتولة الغالية
      إنشاء بترجعي ع حلب و منعملك أطيب منو , أبوس روحك

  2. يسلموووووو كتيييير سوسو والله أنا صرت عبنشغل بالشكل أكتر من الطعم عقد مو حلو ماشاء الله عليك

    • سها قمند

      الله يسلمك نور
      الطعم رائع متل ما تعودتو بكل وصفاتي و عم حاول طور نفسي أكتر بالتصوير حتى نثبت إنو مو بس كتب الطبخ و المواقع الأجنبية فيها صور حلوة و مشهية كمان عنا كفاءات عربية بتقدم وصفات مضمونة و صور حلوة ;)

  3. عبير عبه جي

    يسلمو هالايدين بيستاهلوا نجربن

  4. والله فعلا الشكل يدل على المضمون ..وصفة بتستاهل التجريب

  5. يسلمو يا سوسو شهيتيني. ادخل عا المطبخ واجرب ها لوصفة

    • سها قمند

      الله يسلمك
      إنشاء الله بتجربيها و بتحبيها و بانتظار نتيجة التجربة
      بالتوفيق :D

    • سها قمند

      جربيها حبيبتي رح تدعيلي إنشاء الله
      بس طلب صغير من فضلك بالتعليقات الجاية لو سمحتي تكتبي الإسم حتى أعرف حضرتك

  6. الله يسلم هالايدين يافنانة شكلو بيشهي

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>