عجة القرنبيط

عجة القرنبيط

هالعجة طيبة كتير و مقبلة و تحضيرها سهل بس القلي هو المرحلة يلي بحسها بتعمل عجقة و كركبة بالمطبخ , هالكمية بتكفي لثلاثة أشخاص إذاعيلتك كبيرة ضاعفي المقدار و قدميها ساخنة أو حتى باردة .

المقادير :

½ كغ قرنبيط مسلوق و مهروس

4 بيضة

½ باقة بقدونس مفروم

1 ملعقة صغيرة ثوم مهروس

1 ملعقة صغيرة كزبرة يابسة مطحونة

½ملعقة صغيرة كمون

1 ملعقة صغيرة فليفلة حمراء مطحونة

فلفل أسود حسب الرغبة

1 ملعقة صغيرة بهار حلبي ( سبع بهارات )

¼ملعقة صغيرة قرفة

½ملعقة صغيرة بيكينغ باودر

¼ملعقة صغيرة كركم

2 ملعقة كبيرة عارمة نشاء

3 ملعقة كبيرة عارمة طحين

للقلي : زيت نباتي

الطريقة :

  1. يغسل القرنبيط و يقطع زهرات و يسلق حتى يصبح طري و ينضج بشكل جيد , يصفى و يطحن و يستعمل منه نصف كيلو غرام ( يوزن بعد السلق و الطحن ).
  2. يخلط مع بقية المكونات و في هذه الأثناء يحمى الزيت في المقلاة الخاصة بالعجة ( مقلاية عيون ), في حال عدم توفرها تستعمل مقلاة عادية .
  3. يسكب قليل من الخليط في كل عين من المقلاة , عندما يجهز الطرف السفلي يقلب قرص العجة على الطرف الأخر و يترك حتى ينضج , تكرر العملية مع باقي الكمية و تقدم ساخنة أو باردة مع صوص طحينة أوالمخللات و السلطات .

4 تعليقات

  1. يسلمووو كتير بتشهي رووووعة والله عندي راس قرنبيط بلكي ان شاء اذا صحلي بكرا بعملها

    • سها قمند

      الله يسلمك نور
      إنشاء الله بتعمليها و بتعجبك و بانتظار نتيجة التجربة

  2. Haneen Zaina Hassouna

    هالوصفه رجعيلي ذكريات حلوه كتير لما كنت اشوف ستي بتطبخها :-) طيبه كتير بعمل جنبها سلطه بندوره و بقدونس بطحينه

    • سها قمند

      تعيشي حنين و تتذكري و إنشاء الله عطول أيامك حلوة
      السلطة كتير طيبة جنبها , كمان اللبن العيران بيلبق معها و إذا صحن مخلل معن صار غراااام ;)

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>