كعك التمر (خبز محشي تمر)

خبز محشي بالتمر

لسى متل ما وعدتكن حلويات و معجنات و بعد ما طحشت شوي ع الحلويات أجى دور المعجنات .

هالوصفة من غروب نكهة عربية سبق و حكيتلكن عنو و هو تجمع للمدونين العرب بهدف توثيق الأكل التراثي العربي و هالوصفة كانت من استضافت السيدة سوسن أبو فرحة  بالشهر الثاني من عام 2015 يعني كان لازم طبق الوصفة و شاركها معكن من شهر شباط الماضي لولا إني كنت مشغولة بنقل الوصفات من الغروب للموقع تجهيزاً لانطلاقه بشهر آذار من نفس العام .

و لسى في وصفات تانية من نكهة عربية رح شاركها معكن إنشاء الله بالفترة الجاية .

نجي للوصفة بنصح الكل يجربها لأنها رائعة العجينة حريرية و ناعمة جداً و نكهة الهيل و بقية البهارات غرااام بغرااام , ممكن هالوصفة تكون رفيقتكن طول السنة و بالأخص برمضان لأنها قريبة جداً من المعروك السوري يلي بزين المائدة الرمضانية .

من تجربيتي للوصفة بحب فيدكن بشوية ملاحظات بسيطة , بما إنو العجينة ناعمة كتير الأفضل تحطو ورقة زبدة على الصينية و ترشوها بشوية طحين هيك بتضمنو إنها ما تلزق أبداً و بتخبزوها على الرف الأوسط .

الوصفة بالأصل بتعمل 7 حبات من الخبز بالنسبة إلي عملتها 8 حبات و حجم الحبة كان مناسب جداً .
المقادير :
للعجينة :
1/2 4 كوب طحين
4/1 كوب لبن
2/1 ملعقة صغيرة هيل مطحون
1 ملعقة كبيرة خميرة فورية ناعمة
2/1 كوب سكر
4/1 ملعقة صغيرة ملح
3/1 كوب زبدة ذائبة
2/1 كوب حليب دافئ
2/1 كوب ماء دافئ
2 بيضة
1 معلقه صغيره خل ابيض
1 ملغقة صغيرة فانيليا سائلة
للحشوه:
نصف كيلو تمر عجوه
2 ملعقه كبيره زبده طريه
هيل
قرفه
يانسون
للتلميع:
2 ملعقه كبيره حليب بودره
ربع كوب ماء او اكثر قليلا
ربع ملعقه صغيره نسكافيه
الطريقه:
1-نضع 4 كوب طحين مع الهيل و الخميرة و السكر و نخلطهم جيدا .
2- نضيف الزبدة و الماء و الحليب و اللبن و الملح و البيض و الخل ثم نشغل العجانه حتى تتجمع المكونات و تتشكل العجينة، إذا كانت لينة نضيف بالتدريج نصف الكوب الباقي من الطحين إلى أن تنفصل العجينة عن الجوانب ثم تعجن العجين على الأقل 5 دقائق .
3- نغطي العجين و نتركها ترتاح حتى تختمر وتتضاعف .
4- نضغط بيدينا على العجينة بهدوء لنسمح للهواء بالخروج منها ونتركها ربع ساعة ترتاح.
5- نقطعها إلى أقسام دائريـة متوسطة(انا اقطعها عادة الى 7 دوائر) ونفرد كل دائرة لتصبح بشكل مستطيل .

step 1
6- نعجن التمر مع الزبده و البهارات ثم نشكل التمر المعجون على شكل حبل و نضعه على طرف مستطيل العجين من جهة الضلع الأطول .

step2
7-نلف العجين حول التمر ليصبح لدينا أنبوب من العجين مركزه التمر .
8-نلصق طرفي الأنبوب يبعضهما ليصبح لدينا دائرة .

step 3
9-باستخدام السكين أو المقص ( المقص أفضل) نقص إطراف العجين دون قطعها بشكل كامل ليصبح شكلها مثل الورده .

step4
10-نخلط مكونات التلميع و ندهن الدوائر بخليط التلميع و تخبز على حرارة 200 مئوية على الرف الوسط حتى يحمر أسفلها ( يمكن تشغيل الشواية في الدقائق الأخيرة ) , تخرج من الفرن و تترك تبرد على شبك .

step 5

8 تعليقات

  1. ربي يسعدك ويعطيكي ليرضيكي شكرا كتير سوسو

  2. يسلموا ايديكي..كعك بتمر غايه في الروعه و صوره بتفتح النفس :)

    • سها قمند

      الله يسلمك سوسن :D
      بتشكرك لمشاركتنا هالوصفة التراثية الأكثر من رائعة

  3. Natalya hamdo Kabartay

    يسلم ايديكي سهى ، انا عملتها بعجينة العشر دقايق بس تاني يوم بتصير بايته . راح جرب وصفتك انشالله تكون طرية لانه حلوة ياخدوها الاولاد عالمدرسة

    • سها قمند

      نتولة هي العجينة رائعة و بضل طرية لتاني يوم
      ع كل حال جميع المعجنات أطيب شي تازة بنفس اليوم لكن نصيحة أنا بلف الحبات يلي بتزيد بالنايلون و بحطها بالفريزر و تاني يوم بسخنها بالميكرويف و حالياً المكرويف عندي عطلان لذلك بحط شوية ماء بالمقلاية و فوقو شبك و بحط المعجنات ( أي نوع معجنات عاملتها ) و بسخنها ع البخار ;)

  4. يسعدلي أوقاتك سهى ،،، ويسلمووو هالأيدين يـــــــــــــااربَّ موفقة … وصفة حلووة وصور أحلى و طريقة تقديم أحلى و أروع ^_^ عليكم بالعافية

    • سها قمند

      هلا رفاه و يسعدلي أوقاتك
      التوفيق للجميع إنشاء الله , بتشكرك لهالكلمات الحلوة , بتمنى تجربيها لأنها روعة :D

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>