التمريه النابلسيه

تمرية نابلسية

من وقت ما كنت صغيرة بكره الامتحانات جداً لأني بكون كتير متوترة قبل الفحص و أعصابي مشدودة , بكره شعور التوتر يلي بيلازم الطلاب قبل الفحص و كنت دائما بالعطلة الصيفية و بعد ما نخلص امتحانات شوف بنومي إني عندي امتحان و ما عندي كتب أدرس فيها ….. يا إلهي تخيلتو الموقف كابوس يعيني و حتى بعد التخرج و صرت مدرسة و ضل هالكابوس يتردد من فترة للتانية .

بكرا الصبح امتحانات شهادة التاسع و حاسة حالي مكتئبة رغم إنو مالي علاقة بالموضوع   بس اتذكرت  هالشعور قبل الفحص , الله يوفق الطلاب و يهون عليهن .

نجي لوصفتنا و هي من غروب نكهة عربية يلي وعدتكن إني رح شاركن وصفات منو , هي الوصفة من استضافة السيدة رانية الوزني لشهر نيسان لعام 2015 م  , الوصفة رائعة جداً و بحسن قول إنها بتشبه الشعيبيات بس أسهل بكتير لأنو الشعبيات فيها توريق أكتر , لذلك هالسهولة يلي بالوصفة بالإضافة لطعمتها الرائعة رح تخليها من وصفاتك الصديقة لكل جمعة عيلة ع الفطور مع صحن المامونية و الجبنة الشلل راااائعة .

الوصفة اسمها تمرية لكن مافيها تمر أبداً و سبب التسمية إنو الشخص يلي ابتكرها هاجر من مدينة ( تمرة ) الفلسطينية من ضمن كتير ناس هاجرت لمدينة نابلس و ابتكر هالحلوى اللذيذة و سميت باسم تمرية نسبة لمدينتو

الوصفة يا حلوين ما فيها قرفة بس حبيت ضيفها كإضافة شخصية لأنو الطعم بيلبق معو القرفة و بالنسبة للحشوة أنا ضغطت عليها قبل ما احشيها بالعجينة لأنو العجينة ناعمة كتير و حريرية , أتمنى تجربوها و تستمتعو فيها

المقادير :
للعجينه:
3\4 كوب طحين
1\4 كوب ماء أكثر أو أقل حسب الحاجه
رشة ملح
للحشوه (حلاوة السميد):
نصف كوب سميد خشن
نصف كوب سكر
2 كوب ماء
سكر بودره للتزين
الطريقه :
تحضير العجينة :

نضع الطحين ورشة الملح في وعاء العجن , نضيف الماء بالتدريج و نعجن جيدا حتى نحصل على عجينه طريه غير لاصقه. نستمر بالعجن على الأقل 5 دقائق بالعجانه و أكثر لو كان العجن باليد. نقسم العجينه إلى 8 أقسام متساويه و نضعها في وعاء مدهون بقليل من الزيت, نغطيها و نتركها ترتاح من 5 ساعات إلى ليله كامله.
تحضير الحشوة :
في وعاء على النار نضع السكر, الماء, والسميد و نستمر بالتحريك حتى الغليان , نتركها تغلي قليلا مع التحرك حتى نحصل على قوام كثيف. نسكب حلاوة السميد في صينيه مستطيله مقاس 7*11 انش ونتركها حتى تبرد ثم نغطيها بالنايلون الشفاف ونضعها بالثلاجه.
نقطع الحشوه إلى 8 قطع متساويه.

تطبيق الوصفة :

فوق سطح مرشوش بقليل من الزيت ,نفرد كل قسم من العجينه على شكل مربع رقيق قدر المستطاع , نضع قطعه من الحشوه في الوسط, نأخذ زاويه من العجينه و نضعها فوق الحشوه ونكمل مع باقي الزوايا حتى نغلق كل العجينه فوق الحشوه ونحصل على شكل مربع مع ملاحظة عدم شد العجينه على الحشوه . نضغط على المربع باليد حتى نرققه قليلا.
نكمل مع باقي القطع و نقليها في زيت حار حتى تأخذ العجينه اللون الذهبي و تصبح مقرمشه. نرش سكر بودره على وجه التمريه و تقدم في الحال.

 

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>