مربى الورد

مربى الورد

أكلة من روائع المطبخ الحلبي , أذكر إنو في عائلة حلبية استضافت سيدة فرنسية , و على الفطور كانت في تشكيلة من أنواع المربيات المحضرة منزلياً متل مربى المشمش و الفريز و الكرز و طبعاً مربى الورد .

السيدة الفرنسية كانت في شدة الاستغراب إنو الفواكة طبيعي تنطبخ مربى لكن الورد كان أول مرة تسمع عنو و أكيد كانت محظوظة إنها تذوقتو .

أكتر شي ممتع بهالوصفة هو قطف بتلات الورد لأنو إيديكي رح تتعطر برائحة الورد, و على سيرة الورد نحن بحلب منستخدم نوع خاص من الورد لطبخ هالمربى هو نفسو يلي رح تشوفي بالصورة يعني الورد العادي المزروع بالحدائق أو المنازل ما منستعملو

المقادير :

1 كغ ورد بلدي

4 كوب ماء

2 كوب عصير ليمون مصفى

½ 2 كغ سكر

½ ملعقة صغيرة ملح الليمون

مربى الورد الجوري

الطريقة :

  1. تنزع بتلات الورد و توضع في وعاء كبير أما كأس الوردة و الأسدية فترمى .
  2. تنخل بتلات الورد بمصفاة بلاستك خشنة على دفعات.
  3. توضع البتلات في مصفاة و تغسل بسرعة و تترك تصفى مع الضغط بلطف شديد عليها للتخلص من ماء الغسل .
  4. يوضع الماء و عصير الليمون المصفى في قدر كبير و يرفع على النار حتى يغلي , تضاف بتلات الورد و تقلب لمدة 10 دقائق لتنضج ( باللهجة الحلبية نقول مافي زحكة ) .
  5. يضاف السكر و يحرك حتى يغلي المزيج ثم يترك يغلي لمدة 10 – 15 دقيقة مع التحريك بين الحين و الآخر حتى يصبح القوام جيد مع الانتباه إلى أن المربى سيسمك بعد أن يبرد .
  6. في هذه الأثناء يوضع طست كبير و يملئ بالماء البارد , بعد أن يصبح قوام المربى جيداً يرفع القدر عن النار و يوضع القدر بالماء البارد لتبريد المربى و إيقاف عملية الطبخ مع الانتباه ألا تقع أي قطرة ماء في المربى حتى لا يفسد ( يغير الماء كلما أصبح ساخن ) .
  7. أثناء تبريد المربى يضاف ملح الليمون و يحرك .
  8. يعبئ في مرطبانات نظيفة و جافة و يحفظ في البراد أو الفريزر .

ملاحظة :

  1. البعض يستخدم ثلاثة كيلو غرام من السكر عوضاً عن 2.5 كغ , بالنسبة لي أجد الكمية المذكورة في الوصفة كافية .
  2. استخدام ملح الليمون في الوصفة يعزيز اللون و يضيف مزة محببة لطعم المربى , إذا كنت لا تفضلين هذه المزة استخدمي ربع ملعقة صغيرة .

 

4 تعليقات

  1. الله يسلم هالايدين سها شكرا كتير على هالوصفات الرائعة … من بعد اذنك ممكن اعرف شو اسم الورد المستخدم ومن وين لازم جيبو

    • سها قمند

      الله يسلمك حبيبتي
      الورد مالو إسم محدد هو من فصيلة الورد الجوري المعروف لكن الورد الجوري المستخدم بالزينة بيكون أكبر و بتلاتو متراكبة على بعضها أكتر
      أما ورد المربى فهو مسطح نوعاً ما , الوردات يلي بالصورة جنب المرطبان هنن الورد المستعمل
      حالياً ما فيكي تشتري منو لأن موسمو بالصيف
      أما من وين بدك تجيبي مابعرف حضرتك من أي بلد ؟ و بصراحة هو مشهور فقط بحلب حتى باقي المدن السورية ما بيعرفو كتير

  2. السلام عليكم و رحمة الله و بركاته وصفة رائعة سأجربها الربيع القادم إن شاء اللة هذا الورد نسميه في الجزائر ورد المسلمين أختي الفاضلة أريد الوصفة الأصلية لشراب الورد المركز و كذا وصفة المعمول الله يحفضك و الله يعيد لسوريا أمنها و إستقرارها

    • سها قمند

      و عليكم السلام و رحمة الله و بركاته
      أهلا و سهلا بالجزائر و أهلها الطيبين , حبيت التسمية كتير ( ورد المسلمين ) إن شاء الله تجربيها و تستمتعي فيها
      بالنسبة لشراب الورد المركز تشتهر فيه مدينة ( حماة ) السورية و أنا من مدينة حلب و ما منعمل هالشراب لكن رح أسأل عن الوصفة و إن شاء الله بنزلها بالموقع
      بالنسبة للمعمول في بالموقع نوعين الأول باستخدام الطحين مع السميد و الحشوة تمر أو فستق موجود على الرابط http://biscotart.com/archives/1486
      و الثاني باستخدام الطحين موجود على الرابط http://biscotart.com/archives/682

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>