إيج بالخضار (على طريقة رفيقتي هالة )

أطيب إيج
الإيج أكلة تركية انتقلت لمدينة حلب متلها متل كتير من الأكلات التركية و الحلو بالموضوع إنو بحلب بيلفظو الكلمة بطريقة كتير قريبة من اللفظ التركي.
هي الطريقة دقتها عند رفيقتي هالة و كتير حبيتها و حبيت أجربها و طلعت طيبة و غراااام , بحب ألفت نظركن إنو المقادير تقريبية يعني على سبيل المثال الفليفلة بالوصفة مكتوب من 3 إلى 4قرن هالشي بيعتمد على حدودية الفليفلة عندك , يعني بكل المقادير ممكن تزيدي أو تنقصي حسب زوقك و زوق العيلة و ألف صحة و هنا .
المقادير :
½ كغ برغل عمقي ناعم
1 بصلة متوسطة مقشرة و مقطعة أرباع
4 – 5 أقراص بندورة مجففة
3 – 4 قرن فلفل أحمر يابس
ملح و كمون مطحون ( حسب الرغبة )
1 بصلة كبيرة مفرومة
½ كوب زيت زيتون
بضعة أوراق ملفوف مفروم
بضعة أوراق خس مفروم
باقة بقدونس مفرومة
1 ( فنجان قهوة ) دبس رمان
نعناع يابس
رشة فليفلة حمراء بودرة
رشة ملح الليمون
الطريقة :
1. تنقع البندورة المجففة بالماء و يغير عنها الماء عدة مرات حتى تتخلص من الملح الزائد ثم تصفى , تنقع الفليفلة بالماء حتى تطرى ثم تصفى .
2. يغسل البرغل عدة مرات و يترك مع قليل من الماء لينتقع من 10- 15 دقيقة ثم يطحن بماكينة الكبة مرتان مع البصلة و الملح و الكمون و البندورة و الفليفلة .
3. يسخن زيت الزيتون في مقلاة عميقة و يقلى البصل حتى يطرى و ينضج ثم يضاف الزيت و البصل فوق البرغل و يدعك الجميع .
4. أضيفي الخضار المفرومة ( الملفوف , الخس , البقدونس ) , أضيفي النعناع , الفليفلة ثم أضيفي دبس الرمان بالتدريج و اخلطي , تذوقيه أضيفي المزيد من دبس الرمان إن احتاج الأمر , ركزي الملح و الكمون كما يمكنك اضافة رشة ملح الليمون إن رغبت .
5. تسكب في طبق التقديم , يمكن أن تزين بحبة بندورة مفرومة و قليل من زيت الزيتون .
ملاحظات :
1. يمكن إضافة نعناع طازج مفروم و لكن لا تكثري منه حتى لا يضيف طعم مر .
2. إذا لم تتوفر البندورة المجففة أضيفي بندورة طازجة و إذا لم تتوفر الفليفلة المجففة أضيفي دبس الفليفلة .
3. يجب تقديمه مباشرة بعد خلط الخضار , إذا كانت الكمية السابقة أكبر من حاجتك أضيفي الخضار لنصف كمية البرغل في الخطوة رقم 3 و احتفظي بالباقي لاستخدامه لاحقاً

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>