سمبوسك ( سمبوسه )

سمبوسه

بدي العد التنازلي لشهر الخير و الرحمة , كل عام و أنتو بخير

أكيد سفرة رمضان ما بتحلا بدون السمبوسك و أكيد كل ست بيت إلها وصفتها الخاصة لعمل السمبوسة , هالوصفة تعلمتها من مرت خالي و كتير حبيتها سهلة و بتقرش بعد القلي مممممم و لا أطيب .

المقادير :

4 كوب طحين

¾ كوب زيت نباتي

1 ملعقة صغيرة ملح

½ ملعقة صغيرة سكر

ماء حسب الحاجة

حشوة 1 :

½ كغ جبنة بيضاء

½ باقة بقدونس ( أكثر حسب الرغبة )

نعناع يابس أو أوريغانو

فليفلة حمراء بودرة

حشوة 2 :

400 غ لحمة مفرومة

2 بصلة متوسطة

1 قرن فليفلة حمراء مفرومة

1 قرن فليفلة حمراء مفرومة

1 حبة بندورة ( إختياري )

ملح و بهار حسب الرغبة

رشة قرفة

حشوة 3 :

2 بصلة متوسطة مفرومة

400 غ صدر دجاج مفروم ناعم

2 حبة فليفلة حمراء

2 حبة فليفلة خضراء

1 حبة بندورة كبيرة

رشة قرفة

رشة زنجبيل

ملح و بهار

الطريقة :

  • تحضير العجينة : ينخل الطحين مع السكر و الملح في وعاء عميق , يضاف الزيت و يحرك جيداً حتى يتشرب الطحين كامل كمية الزيت , يضاف الماء بالتدريج حتى نحصل على عجينة ناعمة لا تلتصق باليد , تعجن العجينة لمدة 5 دقائق , تغلف بالنايلون و تترك ساعة لترتاح .
  • تحضير حشوة الجبنة : تبشر الجبنة بالمبشرة الخشنة و تخلط مع البقدونس المفروم و التوابل .
  • تحضير حشوة اللحمة : ضعي قليل من السمنة في مقلاة اضيفي البصل المفروم و حركي حتى يذبل البصل و يصبح طرياً أضيفي اللحمة و قلبي حتى تنضج , أضيفي الفليفلة و قلبي لدقائق , أقطعي حبة البندورة نصفين و ابشريها من طرف اللب بمبشرة الجبنة الخشنة ( تخلصي من القشور ) أضيفي لب البندورة فوق الخليط و قلبي حتى تتبخر جميع السوائل ( الأفضل استخدام مقلاة واسعة ) أرفعي المقلاة عن النار و أضيفي التوابل و الملح .
  • تحضير حشوة الدجاج : نفس طريقة تحضير حشوة اللحمة .
  • تحضير السمبوسك : تقطع العجينة إلى قطع متوسطة و ترق بالشوبك و تقطع دوائر ( الحجم حسب الرغبة ) تحشى بالحشوة المرغوبة و تطوى الدائرة و تغلق الأطراف جيداً و يمكن لف الأطراف بشكل زخرفي ثم تقلى في زيت غزير .

ملاحظة :

يمكن الاحتفاظ بالسمبوسك في الفريزر , رتبي حبات السمبوسك على صينية كبيرة و افصلي بين الطبقات بورق نايلون و عند الحاجة اقليها مباشرة من الفريزر .

    

7 تعليقات

  1. و أنتي بألف خير يارب صرنا متشوقين كتير لرمضان و أكلات رمضان وصفتك زكرتني فعلا برمضان سوريا بالذات كانت أمي تعمله بنفس الطريقة وبعدين نحن صرنا نغير و نبدل بس بتحسي هي الطريقة الأصلية

    • سها قمند

      و أنتي بألف خير و عيلتك و حبابك
      و الله جربت كتير وصفات سمبوسك يمكن بعدد شعر راسي حسيت هي أطيب و أسهل شي :)

  2. يسلمو. …سها
    طالعين كتير حلوين معك وأكيد الطعم طيب
    بس بدي أسألك الطحين طحين كاتو ولا طحين فرخة؟

    • سها قمند

      هلا أحلام
      تسلمي يا روحي من زوقك
      استعملت طحين كاتو , بكل وصفاتي بستعمل طحين كاتو و لما أستعمل الفرخة بكتب بالوصفة بس من زمان ما عدت استعملت الفرخة حتى عنا بحلب ماعاد كتير متوفر متل أيام زمان

  3. المبدعه سها شكرا كتير علوصفات بتجنن
    والتصوير الإحترافي
    بس بغلبك لو توضحيلنا بفيديو طريقة لف الاطراف السمبوسه بشكل زخرفي

    • سها قمند

      تسلمي حبيبتي
      تكرم عينك إن شاء الله قريباً لما أعمل سمبوسك بصورها إن شاء الله

  4. ميرسي….كلك زوء…..

أضف رد على غير معروف إلغاء الرد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>