مخلل الخيار ( مخلل خيار سوري )

مخلل خيار مقرمش

مخلل الخيار من الوصفات العالمية يلي كل بلد إلو طريقتو الخاصة و بهاراتو الخاصة و هالشي بيميز كل بلد عن الآخر .

في كتير صبايا بيخافو يجربو المخلل خوفاً من الفشل و إنو ما يطلع عم يقرش أو يكون مالح زيادة أو ملحو يكون قليل و يخرب , اليوم رح نتعلم سوا كيف نحضر مخلل خيار مقرمش و بطريقة بسيطة .

هالوصفة تعلمتها من رفيقتي ظبية كوسا عجبتني لأنو العيار كتير سهل إنك تحفظي و تطبقي , و محلول التخليل بيطلع معك على القد لا زيادة و لا نقصان أهم شي تنتبهي لعيار الملح معلقة ملح صغيرة بس معرمة لكل كوب ماء و لا أسهل .

المقادير :

2 كغ خيار

بضع فصوص ثوم ( اختياري )

محلول التخليل :

1 ملعقة صغيرة عارمة ملح ( ملح المونة ) لكل كوب ماء

½ كوب خل

1 ملعقة صغيرة سكر

½ ملعقة صغيرة ثوم مدقوق

½ ملعقة صغيرة كزبرة مطحونة

½ ملعقة صغيرة فليفلة حمراء مطحونة

الطريقة :

  1. تختار حبات الخيار الرفيعة , تغسل و يقطع طرفي كل حبة ,يعبئ الخيار في مرطبان مناسب مع حبات الثوم في حال استخدامها .
  2. إعداد محلول التخليل : يملئ المرطبان بالماء كوب كوب ( مع عد الأكواب ) حتى يغمر الماء حبات الخيار مع ترك مسافة من المرطبان للخل ,يعاد تفريغ الماء في و عاء عميق و يضاف 1 ملعقة صغيرة عارمة من الملح لكل كوب ماء , يضاف السكر و التوابل و الخل و يحرك الجميع حتى يذوب الملح تماماً .
  3. يعاد سكب محلول التخليل فوق الخيار ( مع ملاحظة أن تكون حبات الخيار مغمورة بمحلول التخليل )يوضع كيس من النايلون ليبق الخيار مغموراً بمحلول التخليل يغلق المرطبان و يترك عدة أيام حتى تتم عملية التخليل و لا يفتح المرطبان قبل أن ينضج المخلل لأن فتح المرطبان قبل نضجه يوقف عملية التخليل .

ملاحظات :

  1. بعد أن تتم عملية التخليل يوضع المرطبان في البراد حتى لا يفسد .
  2. يزال الريم الأبيض حال تكونه على السطح لأنه يعمل على عفونته و سرعة تلفه .
  3. يمكن إضافة 2 ملعقة كبيرة من روح الخل ( اختياري ) للحفاظ عليه فترة أطول .
  4. لعشاق نكهة الحر يمكن إضافة بضع حبات من الفليفلة .
  5. يمكن إضافة الشبت لمزيد من النكهة .
    

2 تعليقات

  1. كم عددايام تخليل الخيار بالضبط

    • سها قمند

      لا يمكن تحديدها بالضبط لأن المدة تختلف حسب حرارة المكان و حسب الفصل يعني في الصيف في شهر آب خلال 5 أو 6 أيام ممكن يكون جاهز أما في الشتاء لا يقل عن 10 أيام
      مع الخبرة من لونه يمكنك معرفة أنه نضج أم لا

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>