كعك بالزيت ( كعك العيد )

كعك بالزيت ( كعك حلبي مالح )

الغربة حلوة و مو حلوة , حلوة لأنك بتتعرفي على بلاد جديدة و حضارة مختلفة و بتعاشري ناس بعيدين عن ثقافتك و أسلوب تفكيرك هالشي بخليكي مرنة أكتر بالحياة و بيعطيكي قوة و خبرة , بتتعلمي شغلات كتيرة و بتعتمدي ع حالك بكل صغيرة و كبيرة , و بتصير عيلتك هي كل دنيتك.

ومن جهة تانية الغربة مو حلوة لأنك بتصيري بعيدة عن كل شي حلو محفور بذاكرتك , جواتك شوق كبير للأهل و الأصحاب و الحارة , للشارع يلي كنتي تتمشي في مع رفقاتك , للشجر … للعصافير … لكل التفاصيل صغيرها و كبيرها .

هالوصفة كعك بالزيت أو في ناس بتسميها كعك العيد خص نص لعيون الغربتلية , كتير طلبوها مني و هي أنا ع الوعد …. كعك بالزيت ( كعك حلبي مالح ) متل يلي منشتريه من السوق و أطيب كمان , بس تجربي رح تفوح من مطبخك رائحة حلب …… الحلو بهي الوصفة إنو المقدار ممكن ينقسم على اتنين بكل سهولة , أنا دوماً بعمل نصف المقدار لأنو عيلتي صغيرة , هالكعكات الحلوين بيعملو أشهى و أطيب ثنائي مع حبيب قلبي ( الشاي ) , رح أتركك مع المقادير و ألف صحة و هنا.

المقادير :

1 كغ طحين كاتو

½ 1 ملعقة صغيرة ملح

1 ملعقة كبيرة بيكينغ باودر

1 ملعقة صغيرة محلب مطحون

1 ملعقة صغيرة شمرة مطحونة

1 ملقة صغيرة يانسون مطحون

2 ملعقة كبيرة سمسم مطحون

2 ملعقة كبيرة حبة بركة

1 كوب زيت نباتي

1 كوب زيت زيتون

1 كوب ماء ساخن ( ساخن و ليس مغلي )

كعك بالزيت ( كعك العيد )

الطريقة :

  1. ينخل الطحين و البيكينغ باودر في وعاء عميق يضاف الملح و بقية التوابل و يحرك الجميع بالمضرب اليدوي .
  2. يضاف الزيت النباتي و زيت الزيتون  و يحرك الجميع حتى يتشرب الطحين كل الزيت , يضاف الماء الساخن و يعجن الخليط حتى نحصل على عجينة لينة.
  3. تغطى العجينة و تترك ترتاح مدة ساعتين .
  4. تؤخذ قطعة من العجينة و يترك الباقي مغطى حتى لا يجف , تقطع إلى قطع صغيرة أو حسب الحجم المرغوب , تبرم كل قطعة إلى حبل صغير , توضع النهايات فوق بعضها لتصبح كعكة صغيرة , ترتب في الصينية , و تكرر العملية حتى ينتهي العجين .
  5. يحمى الفرن على درجة 180 مئوية مع تشغيل الشواية و يترك 10 دقائق حتى يحمى ثم تخبز الكعكات على الرف الأوسط حتى يصبح لونها زهري , تخرج الصينية من الفرن و تترك الكعكات تبرد في الصينة .

ملاحظة :

  1. بالتسبة للزيت المستخدم أنا استعمل كل المقدار من الزيت النباتي لأن عائلتي لا تفضل نكهة زيت الزيتون في هذا الكعك .
  2. هذه الوصفة سهلة جداً لكن السر في خبز الكعكات ,تخبز حتى يصبح لونها زهري , إذا كان فرنك من النوع الحامي اخبزي الكعكات من الأسفل و شغلي الشواية في الدقائق الأخيرة .

 من تطبيقات المتابعين :

تطبيق السيدة Hloli Nahas للوصفة أشكرها لمشاركتنا صورة تطبيقها و ألف صحة و هنا

Hloli Nahas

10 تعليقات

  1. طيب حبيبتي عندي سؤال بخصوص هالكعك كمان .. ياترى بيطلع بيهر هر وإﻻ قاسي ؟
    أنا بعرف أنو بحطوله سمنة وزيت لحتى يعطيه طراوة مع قرشة .. وبصراحة حابة جرب وصفتك .. فشو رأيك؟؟

    • سها قمند

      نحن منقول بيطلع بيهرت , ما بعرف كيف ترجم هالمصطلح
      على كل حال دوماً بأي وصفة جديدة بالنسبة إلي بجرب نصف الكمية و بقرر بعدها

    • لوسمحتي ممكن أضيف للكعك بازيت دبس الفليفله ولا لا

    • سها قمند

      لا بنصحك ما تضيفي لأنو رح تتغير طعمتو
      يمكن أنتي حابة تعملي متل البتي فور المالح يلي بينباع بالسوق و بيكون بطعمة دبس الفليفلة ؟
      إذا كان هيك طلبك بعد فترة رح نزل وصفة بتي فور مالح بحطلو دبس فليفلة و بيطلع أطيب من السوق ممكن تابعي صفحة الفيس بوك بيوصلك كل جديد إنشاء الله

  2. شو لازم يكون الطحين ابيض ولا اسمر

    لازم يكون الطحين ابيض ولا اسمر

  3. تسلم ايدك

  4. شكرا عالوصفه..بقدر اعملها نفسها و احشيها تمر

    • سها قمند

      تسلمي حبيبتي
      طبعا ممكن تحشيها تمر إذا بتحبي بيصير كعك بالتمر

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>