تروفل بالقهوة

تروفل بالقهوة

قهوة و لا شوكولا ؟ ……طيب شوكولا و لا قهوة ؟……… و ليش الحيرة منجمعن مع بعض بيطلع تروفل بنكهة القهوة أو إذا صحت التسمية شوكولا بنكهة الفخامة .

صحيح أنا من الناس يلي ما بتشرب قهوة بس بمووووت عليها إذا كانت مع الحلويات و يا عييييني لما تكون مع الشوكولا ثنائي الغرام و العشق , جربوها و تمتعوا و متعو ضيوفكن مع فنجان القهوة .

وصفة سهلة خاصة للمناسبات السعيدة , يعني ضيافة العيد أو ضيافة نجاح أو مباركة رح تنال إعجاب ضيوفك على الأكيد .

المقادير :

200 غ شوكولا سوداء ( كلما كانت نوعية الشوكولا فاخرة لما حصلت على تروفل أطيب )

⅓ كوب قشطة سميكة

2 ملعقة صغيرة قهوة سريعة الذوبان

للتزيين : كاكاو بودرة

الطريقة :

تروفيل بالقهوة و المكسرات

  1. تفرم الشوكولا ناعماً و توضع في وعاء عميق مقاوم للحرارة و تترك جانباً .
  2. توضع القشطة مع القهوة في قدر صغير و ترفع على نار متوسطة مع التحريك حتى تغلي , ثم تسكب فوق الشوكولا و تحرك حتى تذوب الشوكولا و تندمج مع القشطة لتحصلي على مزيج ناعم ( إذا لم تذوب الشوكولا يرفع الوعاء على حمام مائي مع التحريك حتى تذوب ) .
  3. يغطى المزيج و يوضع في البراد حتى يتماسك جيداً يفضل ليلة كاملة .
  4. في اليوم الثاني جهزي صينية مفروشة بورق زبدة , أنخلي الكاكاو في وعاء أخر .
  5. خذي مقدار ملعقتين صغيرتين من مزيج الشوكولا و شكيليها على شكل كرة ثم دحرجيها في الكاكاو و رتبيها فوق ورق الزبدة , أعيديها للبراد و اتركيها حتى تتماسك ثم قدميها.

تنويعات : يمكن الإستغناء عن القهوة واستبدالها بنصف ملعقة صغيرة فانيليا سائلة كما يمكن تذويب شوكولا على حمام مائي ثم تغطس حبات التروفل بالشوكولا المذابة ثم تدحرج فوق المكسرات المحمصة  أو الفورماسيل , يمكن أيضاً حشي كل حبة تروفل بحبة بندق .

إذا اعجبتك هذه الوصفة و رغبت بمشاركتها مع عائلتك و أصدقائك لطفاً إضغط على أحد أزرار التواصل الاجتماعي في الأسفل

      

6 تعليقات

  1. الله يجزيك الخير يارب شكلها لذيذة للغاية رح جربا قريبا ..بس شو مشان الكاكاو اللي عالوش أنا مرة جربتو غطيت كرات الشوكولا العادية البوول حسيتو مو مناسب للتغطية بيلزق بالتم ومابعرف شلون شلون مع هالوصفة مناسب؟ ولا ممكن أغطين بطريقة تانية

    • سها قمند

      هلا حبيبتي , إن شاء الله تجربيها و تعجبك
      بالنسبة للكاكاو دائماً بعملها بهي الطريقة و ماحدا اشتكى منها بس بستعمل نوعية جيدة من الكاكاو , عادة البوول بيكون حجمها أكبر لذلك لزقت بالتم كتير , التروفل لازم يكون الحجم صغير قد حبة الشوكولا العادية مو أكبر
      اقتراح ثاني للزينة ممكن تغطسي الكرات بشوكولا مذوبة و تحطيها على و رق زبدة لتنشف الشوكولا أو غطسيها بالشوكولا و حطيها مباشرة بالمكسرات المجروشة كمان بتطلع فاخرة

  2. عذبتك معي الله يجزيك الخير..
    اليوم عملت الوصفة طيبة كتير بس طرية عذبتني وقت عملت كرات وصارت تلزق ..هية هيك ولا كان لاوم اضيف شوكولا زيادة..
    بصراحة تعذبت بشغلا بس طلعت طيبة ..وشكرا كتير الك ومنلتقى بتجربة جديدة عصفحاتك شكرا كتييير

    • سها قمند

      أهلا و سهلا
      لا ما بتعذب لأنو مع الفترة الطويلة للتبريد المستمر ( ليلة كاملة ) بتصير جامدة تماماً حتى بالبداية بلاقي صعوبة إني أغرف منها لأنها جامدة .
      اظن إنك ما بردتيها منيح كمان لازم مقدار الشوكولا يكون مظبوط بالميزان
      بالتوفيق إن شاء الله

  3. وبالنسبة للكاكاو غطيت كم وحدة تجربة بالكاكاو طلعو كتير طيبات وماعملولي مشكلة بالعكس زادو لذاذة القطعة

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>