مربى الشمام ( مربى البطيخ الأصفر )

مربى الشمام ( مربى البطيخ الأصفر )

في حدا هون معنى بحب المربى مووووووووت متلي ؟؟؟ إذا كان الأمر كذلك معناها لازم تجربوا هالمربى قبل ما يفوت موسم البطيخ نكهة جديييييدة تماماً

كل الأشخاص يلي داقو عندي (طبعاً أنا بدوقن بدون ما قول شو الوصفة و بحزرن ) الكل يقولو شي طيب بس ما حدا حسن يحزر الصراحة لأنو في تناغم كتير كبير بين نكهة البطيخ و الليمون مع البشرة حتى مرة من المرات بعد ما طبختو و حطيتو ع الشمس و حطيت إيشارب عليه مشان الغبرة تاني يوم فتحتو و إذ بشوف نحلة غاطسة فيو و مستمتعة و الله حق معها لو كنت محلها ما بتردد و لا لحظة إني أغطس بهالمربى :D

المقادير :

1 شمامة كبيرة ( بطيخة صفراء كبيرة ) الكمية المطلوبة 1 كغ من لب البطيخ

600 غ سكر

4 ليمونات صفراء متوسطة الحجم

الطريقة :

  1. تغسل البطيخة و تجفف , تقسم إلى نصفين و يزال البذر ثم تقطع إلى حزوز و تقشر و تفرم إلى مكعبات خشنة .
  2. يوزن 1 كغ من مكعبات لب البطيخ و يوضع في قدر و يضاف له السكر , هزي القدر حتى تتغطى مكعبات البطيخ بالسكر , غطي القدر و اتركيه ليلة كاملة .
  3. في الصباح تغسل الليمونات و تجفف ثم تبشر و تعصر , يصفى عصير الليمون و يضاف مع البشرة فوق قدر البطيخ ( ستلاحظين خروج كمية كبيرة من ماء البطيخ في القدر ) .
  4. يرفع القدر على النار و يترك حتى يغلي مع التحريك مرة أو مرتين بلطف , بعد أن يغلي تخفف النار و يترك لمدة نصف ساعة .
  5. يسكب المربى في وعاء بلاستيك كبير ( طست ) و يغطى بقطعة قماش رقيقة أو إيشارب لحمايته من الغبار و يترك عدة أيام  تحت أشعة الشمس حتى يعقد مع تقليبه كل يوم حتى يصل للقوام المطلوب .
  6. يعبئ في مرطبان زجاجي نظيف و يقدم على الفطور مع الزبدة أو الجبنة و كوب الشاي .

ملاحظة : هذا المربى سهل الإعداد و يحتوي على 3 مكونات فقط و السر هو التقيد بوزن المقادير و حتى حجم الليمونات , إحدى المرات حاولت استخدام الليمون الأخضر الصغير فلم أحصل على نفس النتيجة لأن الليمون الأخضر لا يعطي كمية كبيرة من عصير الليمون و لم أحصل على مزة الليمون المحببة .

 

4 تعليقات

  1. ياسلاااااام يعيشوهالايدين دايما عندك شي جديد

  2. يسلموا ايديكي. عمري ما دقت مربى شمام. فيكي لو سمحت تعملي مربى بيتنجان؟ بحبه و ما بعرف اعمله

    • سها قمند

      تسلمي يا رب
      إن شاء الله تجربي و يعجبك و تستمتعي بنكهته
      مربى الباذنجان رح أنشر وصفتو بأخر شهر تسعة إن شاء الله لأنو هالوقت بيكون أفضل لتحضيره

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>