كيك الشوكولا مع بودينغ الفانيليا

كيك الشوكولا مع بودينغ الفانيليا

للوهلة الأولى لما أي شخص يشوف الصورة رح يسألني سها كيف عاملة الكيك و البودينغ هيك ؟؟!  بتتذكرو بأفلام كرتون لما بتخطر ببال الشخص شي فكرة عبقرية كيف بتضوي لمبة فوق راسو J  لما تشوفو الوصفة و صور التحضير رح تضوي عندكم لمبة كمان .

حبيت أنشر هالوصفة لأنو في كتير ستات بيوت و صبايا بيطلبو مني كيكات سهلة و بنفس الوقت فخمة سواءً لجمعة أصحاب أو للعزايم و البوفيهات , و هالكيكة مو بس سهلة و فخمة و كمان كيكة اقتصادية , رح تشوفو كل المكونات موجودة بالبيت .

الفكرة كلها بتعتمد على كيك شوكولا بسيط مع بودينغ فانيليا أو فينا نسميها مهلبية بس بنكهة الفانيليا , رح نعمل حفر بقلب الكيك و نملاها بالبودينغ يعني فكرة بسيطة و نتيجة مميزة , صور التحضير رح توضح كل شي .

بحب نوه لأنو الكيك كتير طري و هش و فيكن تستخدمو الوصفة كأي كيك عادي يومي ممكن تحضرو للعيلة أو للأطفال , و ممكن تزينو ع زوئكن لحفلة عيد ميلاد أو مناسبة .

المقادير :

*مقادير الكيك :

4 بيضة

1 كوب سكر

1 كوب زيت نباتي

1 كوب حليب

1 باكيت فانيليا

برش ليمونة

2 كوب طحين ( تتبع الطريقة الصحيحة لكيل الطحين )

رشة ملح

1 باكيت بيكينغ باودر

2ملعقة كبيرة كاكاو

 

*مقادير بودينغ الفانيليا :

1 ليتر حليب

8 ملعقة كبيرة سكر

2 ملعقة كبيرة ( عارمة ) نشاء الذرة / كورن فلور /

2 ملعقة كبيرة ( عارمة ) طحين

1 باكيت فانيليا

1 ملعقة كبيرة زبدة

الطريقة :

*تحضير الكيك :

  1. يحمى الفرن على درجة 180 مئوية و يثبت الرف الأوسط في الفرن , ينخل الطحين مع الملح و البيكينغ باودر و الكاكاو و يترك جانباً .
  2. في وعاء عميق يخفق البيض مع السكر حتى يذوب السكر و يبهت لون المزيج و يتضاعف حجمه .
  3. يضاف الزيت و الحليب و الفانيليا و برش الليمون و نخفق حتى تمتزج المواد .
  4. يضاف مزيج الطحين و نخفق على سرعة بطيئة حتى تختلط المواد ثم يصب مزيج الكيك في جاط بايركس أكبر مقاس ( لا يدهن الجاط ) و يخبز في الفرن حتى ينضج ( اختبريه بعود خشبي , اغرزي العود في منتصف الكيك إذا خرج نظيف فالكيك جاهز ) يترك جانباً ليبرد .كيك شوكولا بسيط و سهل و لذيذ

*تحضير البودينغ :

  1. بعد أن يبرد الكيك ابدئي بتحضير البودينغ , في قدر اخلطي الحليب , السكر , النشاء , الطحين و حركي .
  2. ارفعيه على نار متوسطة مع التحريك المستمر حتى يغلي , خففي النار و اتركيه حوالي 4 دقائق لضمان نضج النشاء مع مواصلة التحريك , ارفعيه عن النار و أضيفي الفانيليا و الزبدة و حركي حتى تذوب الزبدة , اتركي البودينغ جانباً حتى تهدأ حرارته مع التحريك بين الحين و الآخر حتى لا تتشكل قشرة على سطحه .

*تشكيل الكيك :

  1. في هذه الأثناء استخدمي القمع المعدني المستعمل للتزين لعمل حفر بالكيك كما في الصورة , احتفظي ببقايا الكيك للتزيين                           .استخدمي القمع المعدني للكريما لعمل حفر بكيك الشوكولاالكيك جاهز للإضافة البودينغ
  2. بعد الانتهاء فتتي بقايا الكيك بيدك أو باستعمال محضرة الطعام                                                                                                                             .احتفظي ببقايا الكيك للتزين
  3. بواسطة ملعقة املئي حفر الكيك بالبودينغ , ابسطي ما تبقى من البودينغ فوق الكيك و وزعي فتات الكيك بشكل متساو                                     .املئي حفر الكيك بالبودينغ
  4. اتركيه حتى يبرد لدرجة حرارة الغرفة ثم غلفيه بالنايلون و اتركيه في البراد عدة ساعات ثم قدميه لعائلتك و ضيوفك .

 

2 تعليقات

  1. رائع كالعادة بسؤال ليش ما بندهن الجاط بسمنة او زبدة

    • سها قمند

      تسلمي حبيبتي من زوئك
      هاد نوع من أنواع الكيك الإسفنجي الدسم و الكيك الإسفنجي بعد ما ينضح بتنفصل أطرافو عن القالب و أنا جربت إني ادهن الجاط و طبعاً هيك صار معي و انفصلت أطراف الكيك عن القالب و طلع منظرو مو مرتب
      حتى يطلع شكلو أنيق و مرتب متل الصورة مافي داعي تدهني الجاط

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>