معمول مد بالتمر

 

معمول مد بالتمر

العيد قرب و صار على الأبواب و كل عام و انتو بخير متل هالأيام بتكون الستات مشغولة بكعك العيد و المعمول مع إنو السنة مظاهر احتفالنا بالعيد أكيد مو متل كل سنة على كل حال هالوصفة الحلو فيها طيبة و سهلة و ممكن تعمليها بكل أوقات السنة لأنو ما بتاخد منك وقت متل المعمول العادي و أقراص العجوة يلي بنشكلها حبة بحبة مع إنو أنا بحب أقراص العجوة و المعمول بفستق و السكر البودرة على الوش  يا سلااااام , كمان ممكن تعملي تحضير مسبق بتعجني العجينة و بتجهزي الحشوة و بتتركيهن لليوم التالي لحتى تشتغلي فيهن .

هالوصفة مشهورة كتير في لبنان و اكتسبت هالاسم من طريقة التحضير لأنو العجينة رح نمدها بالصينية على شكل طبقتين و بيناتهن حشوة التمر اللذيذة  و رغم إنو رح نستخدم خميرة بالعجينة بس مو ضروري إنو العجينة تنفش لأنو عجينة المعمول عجينة دسمة و الخميرة بالوصفة للطعم أكثر منها لرفع العجينة , في أشخاص بيحبو يستعملو للعجينة سميد ناعم مع طيحن فرخة و في أشخاص بيستعملو سميد ناعم مع سميد خشن أنا بحب استعمل السميد الناعم أما بالنسبة للتمر رح نستخدم نصف كيلو تمر يوزن بعد إزالة البذرة و هالكمية إذا ما عندك ميزان بتطلع ثلاث أكواب و نصف من التمر المقطع , في أشخاص بيستعملوا سمسم محمص عل وش العجينة و بعد ما يطلع المعمول من الفرن بيصبوا عليه قطر أنا ما حبيت موضوع القطر لأنو بصير كتير حلو و بتحسي حالك عم تاكلي بس سكر بسكر و الطبق ما عاد فيو متعة رح خليكن مع المقادير ,وممكن تشوفي فيديو الوصفة على هنا

المقادير :

3 كوب سميد ناعم

1 كوب سمنة

½ كوب سكر

رشة ملح

1 ملعقة صغيرة خميرة فورية ناعمة جداً

½ ملعقة صغيرة محلب مطحون

⅓ –  ½ كوب ماء دافئ

قطرات من ماء الورد المركز

الحشوة :

¼ كوب ماء

3 ملعقة كبيرة سمنة ( يمكن استخدام الزبدة )

500 غ تمر مقطع ناعم

¼ ملعقة صغيرة محلب

الطريقة :

  1. ضعي السميد و السكر و الملح في وعاء عميق , حركِ حتى تختلط المكونات جيداً .
  2. تسخن السمنة حتى تصبح ساخنة جداً جداً ثم تسكب فوق خليط السميد و تحرك بملعقة خشبية حتى يتشرب السميد كل السمنة , تترك 5 دقائق لترتاح .
  3. ترش الخميرة , و المحلب و ماء الورد على المزيج و تعجن بالماء تدريجياً حتى نحصل على عجينة ناعمة ( غالباً أستخدم كل مقدار الماء المذكور في الوصفة ) , يغطى الوعاء و يترك 4-5 ساعات أو طوال الليل .
  4. تحضير الحشوة :ضعي الماء و السمنة في قدر و ارفعيه على النار حتى تذوب السمنة , أضيفي التمر و حركي حتى يصبح طرياً , أبعدي القدر عن النار و اهرسي التمر بواسطة شوكة ( من الأفضل هرسه بمحضرة الطعام ), اتركيه يبرد .
  5. سخني الفرن لدرجة 180 مئوية , ادهني صينية مستطيلة مقاس ( 35 × 25 ) سم بالزبدة أو بالسمنة .
  6. تحضير المعمول : اقسمي العجينة إلى قسمين متساويين مدي القسم الأول في الصينية بالتساوي , رقي التمر بين قطعتي نايلون حتى يصبح بمقاس الصينية , ارفعي قطعة النايلون الأولى و اقلبي التمر فوق العجينة, كرري نفس الخطوة مع القسم الثاني من العجينة و اقلبيها فوق التمر) يمكن للسهولة أن تقسمي العجينة الباقية إلى أجزاء و ترقيها ), ضعي قطعة النايلون فوق العجينة اضغطي على العجينة بلطف لتسوية سطحها ثم ارفعِ ورقة النايلون , قطعي المعمول إلى مربعات .
  7. أخبزي المعمول لمدة 40 – 45 دقيقة حتى يصبح ذهبي اللون , يترك يبرد تماماً يعاد تمرير سكينة بين مربعات التمر للتأكد من انفصالها عن بعضها ثم يقدم .

ملاحظات :

  1. يمكن الاستغناء عن مركز ماء الورد و تعجن العجينة بماء الورد المخفف .
  2. بعض أنواع التمر تكون أقسى لذلك يمكن زيادة قليل من الماء عليه عند طبخه .
  3. يمكن إضافة مكسرات مطحونة مع حشوة التمر لمن يرغب .
  4. يمكن عمل حشوة من المكسرات , تطحن المكسرات بمحضرة الطعام ثم يضاف قليل من القطر بالتدريج حتى تصبح عجينة .
  5. لا ترفعي المعمول من الصينية و هو ساخن حتى لا يتفتت .

إذا أعجبتك هذه الوصفة و رغبت في مشاركتها مع عائلتك و اصدقائك لطفاً إضغط على أحد أزرار التواصل الاجتماعي في السفل

 

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>