مرة بعز الشتوية دخلت على غرفة زميلتي بالشغل و لا قيتها عم تقشر رمان أحمر يلي بحبو القلب و عم تضيف هالموجودين قلت لحالي : لأ … لأ … ما ضل غير يطلعلي وائل كفوري و يغنيلي معقول تشتي بآب و تتلج ع الدنيا كلها … و الشتوية تقلب صيف و الصيفية شتوية .
لما شافتني مستغربة ضيفتني و قالتلي أنا بجيب الرمان بموسمو و بعلقو ع البلكون بالهوا و بتركو ينشف و وقت يلي بدي بالشتاء بقشر منو للفول و السلطة و غيرو , عجبتني الفكرة و خرطشت بدماغي و هالسنة جبت هالرمانات الحلوين و علقتن على البلكون
المقادير :
رمان الكمية حسب الرغبة
الطريقة :
- تختار حبات الرمان ذات ساق ليسهل ربطها .
- تربط كل حبة رمان من ساقها بخيط متين و تعلق في مكان جاف و متجدد الهواء متل شرفة المنزل حتى تجف قشرتها .
- اتركِ حبات الرمان بهذا الشكل خلال الشتاء و استعمليها مع الفول و السلطة أو حسب الرغبة.
