طبخ الرز في الميكروويف
من فترة كانت عندي رفيقتي و كنا عم نحكي عن الطبخ و قالتلي أختي عم تعمل الرز بالميكروويف لأنو حالياً تأمين قنينة الغاز صار صعب بوقتها سألت نفسي يعني ليش ما عم تجربي تطبخي بالميكروويف بس معتمدة عليه بالتسخين ؟ و من وقتها قررت جرب أطبخ عليه و عملت أكلة حلوة بالخوخ و طلعت طيبة كتير .
مع ذلك ضلت فكرة طبخ الرز في الميكروويف براسي لحد ما جربتها …وااااو النتيجة فاجأتني رااائع و بيطلع مفلفل أكتر من الطريقة العادية رح أشرح طريقة الطبخ طبعاً المقادير حسب نوع الرز يلي عندك , الرز بشكل عام بيحتاج ما بين كوب و ربع لكوب و نصف ماء و في أنواع بتحتاج أكتر بالأول يغسل الرز ثم ينقع بالماء و يترك جانباً .
نختار للطبخ و عاء مقاوم للحرارة و صالح للميكروويف و عميق لأن حجم الرز سيزداد نضع السمنة و الشعيرية و تطبخ بالميكروويف لمدة 2 – 3 دقيقة مع إيقاف الميكروويف بشكل مؤقت لتحريكها حتى تصبح ذهبية يضاف الماء و يعاد إلى الميكروويف حتى يغلي أو يصبح ساخن في هذه الأثناء يصفى الرز و يضاف فوق الماء مع الملح ( أنا أحب إضافة القليل من الزنجبيل المطحون و الفلفل الأبيض ) يغطى الوعاء بغطاء صالح للميكروويف و يطبخ من 9 إلى 12 دقيقة مع إيقاف الميكروويف بشكل مؤقت و تحريكه بالشوكة ( دائماً استخدمي الشوكة لتحريك الأرز حتى عند طبخه بالطريقة العادية حتى لا تتكسر حباته ) قد يحتاج طبخ الرز في الميكروويف كمية أكثر من الماء لذلك أضيفي له الماء أثناء الطبخ إن لزم الأمر , بعد نضجه يرفع الغطاء و يحرك بالشوكة لفصل حباته عن بعضها .
ملاحظات :
-
أنصحك بتجريب كوب من الأرز في البداية لمعرفة كمية الماء التي ستحتاجينها حسب نوعية الأرز .
-
يمكن طبخ البرغل أيضاً بالميكروويف .
