غامق … رطب … طعمتو غنية … أكيد عم أحكي عن السكر البني الصناعي يلي كنت زمان لما شوفوا على الرف بشي سوبر ماركت يطير عقلي و مباشرةً أشتريه , حالياً عم أعملوا بالبيت لأنو ما عاد شوفوا حتى بالمنام , و صفتنا اليوم بتشبه النوع يلي كنا نلاقي بالأسواق.
بحب أعطي فكرة عن أنواعه للناس يلي مو مجربين يستخدموا في الحلويات , في سكر بني طبيعي بيتحوي على رواسب دبس السكر التي خلفتها عملية التكرير و عادة بتكون حبيباتة أكبر من النوع التجاري بالإضافة إلى أنه لا يحتوي على رطوبة عالية مثل النوع التجاري , أما الأنواع التجارية فهي السكر الفاتح اللون و بيحتوي على 3.5 % من دبس السكر و هو مستعمل في أغلب وصفات الطبخ و إذا الوصفة ما ذكر فيها لون السكر فالمقصود الفاتح أما الغامق فيحتوي على 6.5 % من دبس السكر و يستخدم لإضافة لون أغمق و نكهة أقوى للوصفة , و على سيرة دبس السكر أو ما يسمى في عدة دول عربية ( العسل الأسود ) فهو الأفضل لعمل هذه الوصفة , من زمان ما كان ممكن تلاقو منو بسورية لكنحالياً صار متوفر و الحمد الله و إذا ما توفر عندكن ممكن تستخدمو دبس العنب بس يكون سائل لسهولة مزجه .
أحياناً لما منشتري السكر البني و منفتح الكيس و منستخدم شوي منو و بعد فترة بيلزمنا لوصفة تانية و منجي لنحضر المقادير منلاحظ إنو السكر صار صلب أكيد بيخطر ببالك سؤال ( يا ترى ليش عم ينشف ؟؟؟؟ ) الجواب بسيط السكر البني بيحتوي على الكثير من الرطوبة و لما بتتبخر الرطوبة بيتكتل السكر و بيجف و أسهل طريقة للحفاظ على السكر البني هو ببساطة تخزينه في وعاء محكم الإغلاق للحفاظ على رطوبته و الحد من عملية التبخر .
المقادير :
1 كوب سكر ناعم
1 – 2 ملعقة دبس السكر و يسمى العسل الأسود ( يمكن استخدام دبس العنب أو دبس التمر )
الطريقة :
- يوضع السكر في وعاء , أضيف الدبس و اخلطي جيداً بالشوكة أو بخفاقة الكاتو حتى تمتزج المواد جيداً ,في البداية قد تعتقدين أن الأمر لن ينجح كما ستلاحظين وجود كتل من الدبس أضغطي عليها و استمري بالخلط عدة دقائق و ستحصلين على السكر البني .
- يحفظ في علبة أو مرطبان محكم الإغلاق أو كيس نايلون حتى لا يجف و يتصلب .
ملاحظات :
- إذا أردت لون السكر أغمق أضيف المزيد من الدبس مع ملاحظة أن رطوبته ستزداد و هو المطلوب لأن السكر البني الغامق الجاهز نجده متلاصق أكثر بسبب الرطوبة .
- السكر البني حتى الجاهز الذي يباع بالأسواق ليس من الوصفات التي يمكن تخزينها لفترات طويلة و أنا أحضره عند الحاجة لأن الوصفة سهلة للغاية .
