كيكة فانوس رمضان كنت مقررة أعملها قبل بداية رمضان لكن للأسف انشغلت كتير
و بعدها بدي مع بداية شهر رمضان الكريم مريت بظروف صحية ما كنت بحسن معها إني أعملو خاصة إنو قوالب النحت بدها شغل و تعب كتير
بعد 15 يوم الحمد الله اتعافيت و رجعت لصحتي و نشاطي و لله الحمد
قلت خلص بدي اعمل كيكة فانوس رمضان حطيت الموضوع براسي لأنو كتير كنت متحمسة إني نفذها
و صادف إنو في أقرباء عزيزين كتير على قلبي حبو يجو يزورونا , فالصراحة لاقيتها فرصة حلوة إني أنفذ هالكيكة
بالعادة الكيكات المجسمة او يلي منسميها كيك 3D بتتنفذ بكيك زبدة لأنه بيتحمل وزن خاصة إنو ارتفاع الكيكة 36 سم يعني لازم الكيك يكون متماسك لحتى يحمل وزن.
بس أنا بطراحة حبيت أعملها بكيك الريد فلفت ع حشوة الكريم تشيز , كانت مخاطرة بس نجحت فيها
و ما بحسن أوصفلكم ردة فعل الضيوف كيف انبهرو بكيكة فانوس رمضان و حبوها كتير شكلاً و طعماً
وفرحت كتير إني اسعدتهم و كانت سهرة كتير لطيفة و حلوة استمتعت فيها مع عائلتي و ضيوفي
و رمضانكم كريم و ينعاد عليكم بالصحة و العافية .
بإمكانكم متابعة صفحة بيسكوتارت على الفيس بوك هنا
