التمريه النابلسيه وصفتنا لهذا الشهر و هي من غروب نكهة عربية يلي وعدتكن إني رح شاركن وصفات منو .
التمريه النابلسيه وصفة من استضافة السيدة رانية الوزني لشهر نيسان لعام 2015 م .
الوصفة رائعة جداً و بحسن قول إنها بتشبه الشعيبيات بس أسهل بكتير لأنو الشعبيات فيها توريق أكتر.
لذلك هالسهولة يلي بالوصفة بالإضافة لطعمتها الرائعة رح تخليها من وصفاتك الصديقة لكل جمعة عيلة ع الفطور مع صحن المامونية و الجبنة الشلل راااائعة .
الوصفة اسمها تمرية لكن مافيها تمر أبداً و سبب التسمية إنو الشخص يلي ابتكرها هاجر من مدينة ( تمرة ) الفلسطينية من ضمن كتير ناس هاجرت لمدينة نابلس و ابتكر هالحلوى اللذيذة و سميت باسم تمرية نسبة لمدينتو
الوصفة يا حلوين ما فيها قرفة بس حبيت ضيفها كإضافة شخصية لأنو الطعم بيلبق معو القرفة
و بالنسبة للحشوة أنا ضغطت عليها قبل ما احشيها بالعجينة لأنو العجينة ناعمة كتير و حريرية .
أتمنى تجربوها و تستمتعو فيها
المقادير :
مقادير عجينة التمرية النابلسية :
3\4 كوب طحين
1\4 كوب ماء أكثر أو أقل حسب الحاجه
رشة ملح
للحشوه (حلاوة السميد):
نصف كوب سميد خشن
نصف كوب سكر
2 كوب ماء
سكر بودره للتزين
الطريقه :
تحضير عجينة التمرية النابلسية :
نضع الطحين ورشة الملح في وعاء العجن , نضيف الماء بالتدريج و نعجن جيدا حتى نحصل على عجينه طريه غير لاصقه. نستمر بالعجن على الأقل 5 دقائق بالعجانه و أكثر لو كان العجن باليد. نقسم العجينه إلى 8 أقسام متساويه و نضعها في وعاء مدهون بقليل من الزيت, نغطيها و نتركها ترتاح من 5 ساعات إلى ليله كامله.
تحضير حشوة التمرية النابلسية :
في وعاء على النار نضع السكر, الماء, والسميد و نستمر بالتحريك حتى الغليان , نتركها تغلي قليلا مع التحرك حتى نحصل على قوام كثيف. نسكب حلاوة السميد في صينيه مستطيله مقاس 7*11 انش ونتركها حتى تبرد ثم نغطيها بالنايلون الشفاف ونضعها بالثلاجه.
نقطع الحشوه إلى 8 قطع متساويه.
تطبيق الوصفة :
فوق سطح مرشوش بقليل من الزيت نفرد كل قسم من العجينه على شكل مربع رقيق قدر المستطاع ثم نضع قطعه من الحشوه في الوسط
نأخذ زاويه من العجينه و نضعها فوق الحشوه ثم نكمل مع باقي الزوايا حتى نغلق كل العجينه فوق الحشوه ونحصل على شكل مربع مع ملاحظة عدم شد العجينه على الحشوه .
نضغط على المربع باليد حتى نرققه قليلا.
نكمل مع باقي القطع ثم نقليها في زيت حار حتى تأخذ العجينه اللون الذهبي و تصبح مقرمشه.
نرش سكر بودره على وجه التمريه و تقدم في الحال.
