القشطة المطبوخة

لا غنى عن القشطة  بالعديد من حلوياتنا العربية اللذيذة و أحياناً بيكون جاي على بالنا نعمل حلويات لكن القشطة البلدية مو متوفرة , ممكن تحضري قشطة طيبة و لذيذة جداً بالبيت , هالوصفة تعلمتها من موقع منال العالم ( بس نقصت ربع كوب من الحليب حتى يطلع قوامها متماسك أكتر) , قوامها ناعم و طعمها كريمي و غني .

هالوصفة  بحب استخدمها لتزين الحلويات الباردة متل القطايف العصفيري و عيش السرايا و الكنافة المفروكة وإذا عندك كيك سادة قدميه مع هذه القشطة و سيتحول إلى أفخر كيك , أما الحلويات العربية يلي بتتعرض للحرارة متل الكنافة المخبوزة بالفرن  و القطايف المقلية بستعمل وصفة تانية بيكون قوامها أسمك رح أنشرها قريباً إنشاء الله .

المقادير :

¼ 2 كوب حليب كامل الدسم

3 ملعقة كبيرة سكر

¼ كوب طحين

¼ كوب نشاء

1 ملعقة صغيرة فانيليا أو قطرات من ماء الزهر أو ماء الورد

1 علبة قشطة جاهزة

الطريقة :

1. توضع الحليب مع السكر و الطحين و النشاء في قدر على البارد و تحرك جيداً ثم ترفع على النار مع التحريك المستمر حتى يغلي المزيج , تخفف النار و نستمر بالتحريك حتى يتكاثف المزيج حوالي 5 دقائق ( تذوقيها لتتأكد أنه لم يبق أي طعم طحين أو نشاء ) ارفعيها عن النار أضيفِ الفانيليا أو ماء الزهر أو ماء الورد .
2. تسكب في صينية بايركس و تمسد و تغطى بالنايلون بحيث يبقى ملاصق لسطحها و تترك تبرد تماماً .
3. توضع القشطة المطبوخة في وعاء عميق , تضاف القشطة المعلبة و تخفق حتى تتجانس و تستعمل في الحلويات العربية .