سلطة المقالي

طبق سلطة مفتخر و ملوكي و ببيض الوش بالعزايم و المناسبات و شكلو روعة و بيلفت النظر و بالنسبة إلي بعتبرو وجبة بحد ذاتها , يعني إذا حدا سألني شو اتغديتي اليوم بقلن سلطة 😉 أكيد رح يقولو لحالهن يخزي العين سها شو مهتمة بحميتها الغذائية عم تتغدى سلطة  بس لو يعرفو إنها سلطة من العيار الثقيل بس بتستاهل الصراحة .
المقادير حبايبي طبعا تقريبية يعني ممكن أنت تزودي أو تنقصي على راحتك لأنو نحن عم نعمل سلطة يعني مو حلويات و شغل بالغرامات , أتمنى تجربوها و تعطوني رأيكن و فيكن تبعتولي صور تطبيقاتكم على صفحة الفيس ( هنا )
المقادير :
5 حبة باذنجان متوسط الحجم
2 حبة بطاطا متوسطة الحجم
½ رغيف خبز سوري أو رغيف كامل حسب الرغبة
½ كوب بقدونس مفروم
زيت نباتي للقلي
مقادير الصوص :
1 كوب لبن زبادي
5 ملعقة كبيرة طحينة
2 – 3 فص ثوم مهروس
عصير نصف ليمونة
ملح حسب الرغبة
فلفل أسود
الطريقة :
1. تقشر البطاطا و تقطع مكعبات ثم يقشر الباذنجان و يقطع مكعبات , يقطع رغيف الخبز إلى مكعبات .
2. في قدر عميق يحمى الزيت النباتي و تقلى المكونات السابقة قلي غزير كل مكون على حدا و يرفع على ورق مطبخ ليمتص الزيت الزائد .
3. في طبق التقديم يوضع الخبز المقلي و فوقه البطاطا المقلية ثم الباذنجان المقلي .
4. يحضر الصوص بخلط اللبن الزبادي مع الطحينة و عصير الليمون ( أضيفي عصير الليمون حسب رغبتك ) تبليها بالملح و الثوم و الفلفل الأسود المطحون ثم تذوقيها و ركزي النكهات , يمكنك إضافة المزيد من الطحينة .
5. وزعي قليل من الصوص فوق طبق السلطة و اتركي الباقي في وعاء جانب الطبق الرئيسي ليضيف كل شخص حسب رغبته , زيني الطبق بالبقدونس المفروم و قدميها مباشرة .
تنويع :
في موسم الخس أحب أن أضيف حوالي نصف خسة مفرومة للسلطة كطبقة أسفل طبقة الخبز المقلي سيعطيها طعم رائع .