من أطيب الشوربات يلي دقتها بحياتي , شوربة مغذية جداً جداً وطعمتها مميزة و بتلاقي استحسان كل أفراد العائلة .
هالشوربة تعلمتها من ست لبنانية و سبحان الله كل ما كنت شوف حدا ببرنامج طبخ على التلفزيون عم يطبخها ما كنت أقتنع إنها طيبة , ليش ما بعرف …. لحد ما أكلتها و وقعت بغرامها و عرفت إني كنت على خطأ و إني ضيعت كتير من عمري بدون هالشوربة اللذيذة .
لذلك أنصحكم إنكم تجربوها و ما تضيعو كم سنة من عمركم بدون هالشوربة المغذية و الطيبة , أنا كتبتلكم نص المقادير يلي عملتها لأنو عملت طنجرة كبيرة قد طنجرة المحشي 🙂
المقادير :
1 كوب عدس أسمر
2 حبة بطاطا كبيرة
2 باقة سلق
1 بصلة مبشورة
1 ملعقة صغيرة ثوم ( او حسب الرغبة )
ملح حسب الرغبة
عصير ليمون
2 ملعقة كبيرة عارمة نشاء الذرة
ماء كافي لغمر المكونات
عصير ليمون
زيت زيتون
الطريقة :
- يمشط السلق و يفرم ثم يغسل جيداً و يصفى .
- يغسل العدس جيداً و يترك جانباً , تقشر البطاطا و تقطع مكعبات .
- في قدر كبير نضع العدس , البطاطا , السلق و البصلة المبشورة ثم يضاف ماء كاف لغمر المكونات و ترفع على النار حتى تنضج المكونات مع التحريك بين الحين و الآخر .
- بعد أن تنضج المكونات يضاف الثوم المهروس و الملح و عصير الليمون , تذوقيها لتركيز النكهة حسب رغبتك
- يذوب النشاء مع قليل من الماء و يضاف إلى الشوربة على شكل خيط مع التحريك المستمر حتى يتكاثف قليلاً .
- يضاف قليل من زيت الزيتون و تقدم الشوربة ساخنة بالصحة و الهنا .
