هالعجة طيبة كتير و مقبلة و تحضيرها سهل بس القلي هو المرحلة يلي بحسها بتعمل عجقة و كركبة بالمطبخ , هالكمية بتكفي لثلاثة أشخاص إذاعيلتك كبيرة ضاعفي المقدار و قدميها ساخنة أو حتى باردة .
المقادير :
½ كغ قرنبيط مسلوق و مهروس
4 بيضة
½ باقة بقدونس مفروم
1 ملعقة صغيرة ثوم مهروس
1 ملعقة صغيرة كزبرة يابسة مطحونة
½ملعقة صغيرة كمون
1 ملعقة صغيرة فليفلة حمراء مطحونة
فلفل أسود حسب الرغبة
1 ملعقة صغيرة بهار حلبي ( سبع بهارات )
¼ملعقة صغيرة قرفة
½ملعقة صغيرة بيكينغ باودر
¼ملعقة صغيرة كركم
2 ملعقة كبيرة عارمة نشاء
3 ملعقة كبيرة عارمة طحين
للقلي : زيت نباتي
الطريقة :
- يغسل القرنبيط و يقطع زهرات و يسلق حتى يصبح طري و ينضج بشكل جيد , يصفى و يطحن و يستعمل منه نصف كيلو غرام ( يوزن بعد السلق و الطحن ).
- يخلط مع بقية المكونات و في هذه الأثناء يحمى الزيت في المقلاة الخاصة بالعجة ( مقلاية عيون ), في حال عدم توفرها تستعمل مقلاة عادية .
- يسكب قليل من الخليط في كل عين من المقلاة , عندما يجهز الطرف السفلي يقلب قرص العجة على الطرف الأخر و يترك حتى ينضج , تكرر العملية مع باقي الكمية و تقدم ساخنة أو باردة مع صوص طحينة أوالمخللات و السلطات .
يسلمووو كتير بتشهي رووووعة والله عندي راس قرنبيط بلكي ان شاء اذا صحلي بكرا بعملها
الله يسلمك نور
إنشاء الله بتعمليها و بتعجبك و بانتظار نتيجة التجربة
هالوصفه رجعيلي ذكريات حلوه كتير لما كنت اشوف ستي بتطبخها 🙂 طيبه كتير بعمل جنبها سلطه بندوره و بقدونس بطحينه
تعيشي حنين و تتذكري و إنشاء الله عطول أيامك حلوة
السلطة كتير طيبة جنبها , كمان اللبن العيران بيلبق معها و إذا صحن مخلل معن صار غراااام 😉