غرتان البطاطا المهروسة من الأكلات يلي تقريبا أغلب الستات بحبو يحضروها لأنها بتلاقي إعجاب الأغلبية.
أكيد كل عائلة إلها وصفتها المفضلة من غرتان البطاطا المهروسة , بحب هالوصفة لأنو تحضيرها سهل خاصة لما يكون عندي شوية بطاطا مو عارفة شو بدي أعملهن قبل ما يخربو .
هالوصفة من حيث السعرات الحرارية وسط شي بالنص يعني إذا بتحبي تخففِ السعرات الحرارية استعملي كمية أقل من الجبنة بس الصراحة الصراحة مع الجبنة أطيب
و إذا بتحبِ تدللي حالك أكتر استبدلي الحليب بكريما الطهي يمممي يم , لكن أهم شي بهالوصفة البهارات لأنو البطاطا بالطعم حيادية و البهارات رح تعطيها هالطعم المميز .
بالوصفة حددت كمية البهارات بس لازم تدوقيها قبل ما ترتبيها بالجاط لأنو البهارات المطحونة تازة بتكون أقوى
المقادير :
1 كغ بطاطا
2 ملعقة كبيرة زبدة
2 بيضة
4 -5 ملعقة كبيرة حليب
¾ كوب جبنة موزريلا مبشورة
¼ ملعقة صغيرة بهار أبيض
ربع ملعقة صغيرة فلفل أسود مطحون طازج
¼ ملعقة صغيرة جوزة الطيب
ملح حسب الرغبة
الحشوة :
5 ملعقة كبيرة زيت نباتي
2 بصلة حجم كبير مفرومة
400 غ لحمة مفرومة
رشة جوزة الطيب
½ ملعقة صغيرة قرفة
¼ ملعقة صغيرة زنجبيل مطحون
½ ملعقة صغيرة بهار حلبي
رشة فلفل أسود مطحون
للوجه :
1 كوب جبنة موزريلا مبشورة
بقسماط حسب الحاجة
الطريقة :
1. تحضير الحشوة :يسخن الزيت في مقلاة ثم يضاف البصل المفروم و يقلى حتى ينضج ثم تضاف اللحمة و تقلى حتى تطهى , تضاف البهارات و تقلب ثم ترفع عن النار جانباً .
2. تحضير مزيج البطاطا :تغسل البطاطا من الأتربة و تسلق بقشرها حتى تنضج ثم تقشر و تطحن بملعقة طحن البطاطا اليدوية و هي ساخنة , تضاف الزبدة إلى البطاطا الساخنة مع الحليب والتوابل و الملح و تحرك جيداً , تترك 5 دقائق حتى تهدأ حرارتها ثم يضاف البيض و الجبنة المبشورة و يخلط .
3. تجهيز الوصفة : يدهن طبق فرن بايركس مستطيل بالزبدة و يرش بالبقسماط , تمد نصف كمية مزيج البطاطا في الطبق و يسوى سطحها , توزع الحشوة بالتساوي فوق البطاطا , يمد النصف الثاني من مزيج البطاطا فوق الحشوة و تمسد جيداً , يوزع الجبن المبشور على سطحها ثم يرش البقسماط و تخبز في فرن محمى مسبقاً على 180 مئوية من 20 إلى 25 دقيقة .
ملاحظات :
1. يمكن للتنويع إضافة فلفل أحمر أو أخضر للحشوة .
2. لمزيد من النكهة يتبل البقسماط بالفلفل الأسود المطحون ثم الزنجبيل و البهار الأبيض .
