كبة نية بالبطاطا

كبة نية بالبطاطا وصفة سهلة و سريعة مناسبة جداً لسفرة رمضان أو كصنف مقبلات بأي وقت بتحبي من السنة.

الكبة النية من أشهر أطباق المقبلات في بلاد الشام ( سوريا و لبنان ) و لا تخلو منها الموائد و العزائم و الوصفة التقليدية للكبة النيئة تحضر من لحم الغنم مع البرغل .

بمدينة حلب متعودين نعمل إما كبة نية بالهبرة ( يعني اللحمة المدقوقة ) أو الكبة النية بالزيت ( الوصفة هنا ) يمكن تشوفي الفكرة غريبة بس لمى تجربيها رح تحبيها لأن البطاطا المسلوقة بتعطي طعم طيب و القوام رح يصير ناعم و يدوب بالتم .

بالنسبة للبطاطا في ستات بيسلقو البطاطا بعد التقشير و هذا خطأ لأن البطاطا بهيك حالة رح تشرب ماء كتير و تفقد خواصها و رح تخرب الوصفة بالنسبة إلي  دائماً بسلقها بقشرها.

المقادير :

كوب برغل ناعم

بصلة صغيرة

1 ـ 2  ملعقة كبيرة دبس فليفلة

1 ـ 2  ملعقة كبيرة دبس بندورة

ملعقة صغيرة فلفل مطحون طازج

1 ملعقة صغيرة كمون

ملح حسب الرغبة

2 حبة بطاطا متوسطة الحجم مسلوقة

الطريقة :

1ـ يغسل البرغل و يصفى و يترك جانباً ليطرى حوالي 10 دقائق أو ربع ساعة .

2ـ تقطع البصلة أرباع ثم تضاف إلى البرغل مع دبس البندورة و دبس الفليفلة و الملح و بقية التوابل .

3ـ تضاف البطاطا المسلوقة و المقطعة ثم تطحن بماكينة الكبة , يشكل المزيج على شكل الكبة النية وتقدم و صحتين و عوافي

أتمنى أن تجربوا الوصفة و تستمتعوا بها يمكنكم ارسال صور تطبيقاتكم عبر صفحة الفيس بوك