مرات كتيرة بفكر إنو أي مطبخ عالمي مشهور بأكلاتو الطيبة متل المطبخ الحلبي , كيف أجدادنا اخترعو الوصفة , يا ترعى قعدو يفكرو بتمازج النكهات و إنو ممكن نحط المكون الفلاني مع التتبيلة كذا و كذا و لا كان الموضوع محض الصدفة في البداية و بعدها كان في سلسلة من التجارب و التعديل بالنكهات لحتى وصلتنا الوصفات بهالاتقان المتميز و النكهة الرائعة يلي ميزت هالمطبخ بين المطابخ العالمية .
وصفتنا اليوم هي نفسها تمام متبل الباذنجان المشوي , في أشخاص بيحبو شوي الباذنجان على الفحم لأنو الفحم بيعطي نكهة مميزة و للسهولة أغلب ستات البيوت بيستخدمو الغاز لشوي الباذنجان , حبيت ضيف نكهة مختلفة للمتبل فجربت مرة إني أقلي لب الباذنجان يلي طلع من المحشي و طلع معي نكهة مختلفة بس طيبة جداً جداً و مميزة و من يومها صرت أحضرو كنوع من التغير على السفرة مع فائق حبي و احترامي للوصفة الأصلية لأنو كمان كتير بحب المتبل المشوي لكن التغيير و التجديد مطلوب , طبعاً إذا كنت عم تتبعي حمية غذائية فالمشوي أخف .
المقادير :
5 حبات باذنجان حجم وسط
زيت نباتي للقلي
1 كوب لبن زبادي
8 ملعقة طعام طحينة
½ 1 ملعقة صغيرة ثوم مهروس
عصير ليمونة
ملح حسب الرغبة
للتزيين :
بقدونس مفروم
زيت زيتون
زيتون أسود
بابريكا
الطريقة :
- يقشر الباذنجان و يقطع شرائح , و يقلي بالزيت النباتي قلياً غزيراً حتى ينضج , يرفع على ورق مطبخ ليمتص الزيت الزائد .
- يفرم بالسكين فرماً ناعماً أو بمحضرة الطعام.
- في وعاء عميق نخلط اللبن مع الطحينة و عصير الليمون و الملح و الثوم جيداً ( إذا كان الخليط سميك أضيفي القليل من الماء و حركي جيداً ) , اسكبي خليط الطحينة فوق الباذنجان و حركي جيداً تذوقيه أضيفي المزيد من الليمون أو الملح حسب الرغبة .
- يسكب في أطباق التقديم و يزين بالقدونس المفروم و البابريكا و الزيتون الأسود و في النهاية يسكب القليل من زيت الزيتون لمذاق أطيب .
إذا أعجبتك هذه الوصفة و رغبت بمشاركتها مع عائلتك و أصدقائك لطفاً اضغط على أحد أزرار التواصل الاجتماعي في الأسفل
[facebook] [tweet] [Google] [pinterest] [follow id=”biscotart” ]
المقدمة رائعة والوصفة بجنن ربي يزيدك يا سها
تسلمي يا روحي كلماتك دوماً راقية و مشجعة