ما حسيتو بالدفء و الفرح أول ما شفتو الصورة ؟ ….أطيب مربى ممكن تدوقوها ع الفطورمع الزبدة أو الجبنة , و هي الوصفة خص نص لعيون ست الحبايب الوالدة لأنو كتير كانت مشتهية عليها و طبعاً أنا إلي تلتين الخاطر و بما إنو حالياً موسم الجزر و بيكون غض و مليان ماء يعني أفضل وقت لعمل هالمربى , بالمقادير في عصير ليمون رح يعطيها مزة حموضة خفيفة كتير طيبة و مميزة, أهم شي تستعملو الليمون البلدي و كمان هلق وقتو لأنو ريحتو لما تبشروا رح تملى المطبخ فكيف لما تحطو مع المربى و مع القرفة و القرنفل أطيب و أطيب , في أشخاص ما بيحبو مزة الحموضة بس جربت الوصفة مع حبة ليمون وحدة حسيت حالي إنو في شي مفقود بالنكهة و بس عم أكل شي حلو خاصة إنو الجزر بهالوقت بيكون طعمتو حلوة لذلك القرار إلك حسب زوق عيلتك .

المقادير :

1 كغ جزر مغسول و مقشر ( يوزن 1 كغ بعد التقشير )

900 غ سكر

بشر و عصير 2حبة ليمون وسط ( مصفى )

بشر و عصير 1 حبة برتقال ( مصفى )

1 عود قرفة

10 حبات قرنفل

2 كوب ماء

الطريقة :

1. يغسل الجزر و يقشر بقشارة الخضار ثم يوزن 1 كغ , ثم يبشر بمبشرة الجبنة على الطرف الخشن .
2. في قدر عميق توضع جميع المكونات ما عدا الماء و تحرك و يترك لليوم الثاني .
3. في اليوم التالي ستلاحظين وجود سائل مع المكونات هو عصارة الجزر , يضاف الماء ,يرفع على النار حتى يغلي ثم تخفف النار مع التحريك بين الحين و الأخر و يترك حتى ينضج الجزر و يختم ( أي يصبح شفاف و لامع) حوالي45 -60 دقيقة أو حسب حرارة الغاز , يترك حتى يبرد تماماً ثم ينزع عود القرفة و القرنفل .

ملاحظات :

1. يفضل استخدام الليمون البلدي لأن نكهته قوية و مميزة و يعطي كمية أكبر من العصير .
2. استخدمت في الوصفة البرتقال الصغير ( برتقال العصير ) المستخدم في محلات تقديم الكوكتيل لأنه يعطي كمية أكبر من العصير .
3. لا تحضري المربى في نهاية موسم الجزر لأنه يصبح ناشف و سيحتاج لفترة طويلة من الطبخ لينضج و لكمية أكبر من السوائل .