الكابتشينو من المشروبات الأكثر تداولاً حالياً في المقاهي و المطاعم و خاصة بفصل الشتاء و رغم إني ما بحب القهوة و كل المقربين مني بيعرفوا إني مغرمة حتى النخاع بالشاي لكن بحب القهوة لما تكون ضمن الحلويات متل التيراميسو مثلا أو بحشوات الكيك و ممكن أضيف عليهن الكابتشينو .
طبعاً الكابتشينو إلو مكنة خاصة بتحضيرو لكن ممكن نعملو بالبيت بطريقة سهلة و بسيطة و يعطينا نتيجة رائعة و أطيب من الظروف يلي منشتريها جاهزة و المميز بهالوصفة إنو كمية السكر فيها مزبوطة على التمام أما يلي بحب السكر فممكن يزيد حسب الرغبة .
مقادير الكابتشينو :
ربع كوب قهوة سريعة الذوبان ( نسكافيه )
¼ كوب سكر
¼ كوب ماء
حليب حسب الحاجة
الطريقة :
- في وعاء عميق نضع القهوة مع السكر و نخلط , نضيف الماء و نخفق بخفاقة الكاتو حتى نحصل على مزيج رغوي كريمي قوامه مثل الكريمة الشانتيه و لونه أفتح ( حوالي 5 دقائق ) .
- يمكن استخدام هذه الرغوة مباشرة أو الاحتفاظ بها في الثلاجة لمدة أسبوع .
- لإعداد كوب من الكابتشينو نسخن الحليب مع الانتباه ألا يحترق حتى لا يؤثر على طعم الكابتشينو.
- نضع في الكوب 3 ملاعق من رغوة القهوة المحضرة مسبقاً ثم يصب الحليب فوقها و يحرك بالملعقة .
- نأخذ قليل من رغوة القهوة و نزين بها الكوب و تقدم مباشرة .
يمكنكم ارسال صور تطبيقاتكم غلى صفحة بيسكوتارت على الفيس بوك
