هالوصفة رح تلفت إنتباه الكبار و الصغار بالشكل و الطعم و الكل رح يسألك شلون عاملتيها , أنا استخدمت شكل الوردة لأني حبيت شكلها بس ممكن تستخدمي الشكل يلي بتريدي أو حسب ذوق أولادك , الأولاد كتير رح ينبسطو بمساعدتك بهالوصفة يعني شوي بيحطو بون بون ع الصينية و شوي بياكلوا منو و إنشاء الله يكفيكي كيس البون بون لحتى تخلصي خبز البسكوتات .
رح تحتاجي بهالوصفة لورق زبدة و ما بيمشي الحال بدون الورق إذا ما استعملتي ورق زبدة ,السكر رح يدوب بالفرن و يلزق بالصينية, ورح تحتاجي كمان قالب مدور صغير لحتى نعمل دائرة صغيرة بنص البسكوتات إذا ما كان عندك افتحي علبة مكياجك و خدي غطاء قلم حمرا اغسلي و نشفي و استعملي.
العجينة بحد ذاتها تعتبر من الوصفات الرئيسية للبسكوت و ممكن تزينيها بأي طريقة بتحبيها , الوصفة صورتها فيديو لحتى تكون كل الخطوات واضحة
المقادير :
250 غ زبدة غير مملحة ( بحرارة الغرفة )
1 كوب سكر بودرة
2 بيضة بحرارة الغرفة
1 باكيت فانيليا
1 باكيت بكينغ باودر
رشة ملح
4 كوب طحين ( كل كوب 125 غ ) انتبهي إلى القاعدة العامة لكيل الطحين الرابط هنا
سكاكر ملونة ( بون بون ) حسب الحاجة
الطريقة :
تحضير السكاكر :تكسر السكاكر بواسطة الشوبك , تترك جانباً , من الأفضل تكسير السكاكر ضمن غلافها هذا سيقلل من الفوضى في المطبخ.
تحضير العجينة :
- توضع الزبدة في وعاء عميق و تخفق بالخفاقة الكهربائية لمدة دقيقة , ننخل السكر فوقها و نخفق حتى تصبح هشة و كريمية و يصبح لونها فاتح مع الانتباه لكشط أطراف الوعاء عدة مرات أثناء الخفق ( هذه الخطوة تستغرق من 7 حتى 10 دقائق حسب قوة الخفاقة ).
- تضاف الفانيليا و رشة ملح و البيض الواحدة تلو الأخرى مع الخفق بعد كل إضافة , ينخل الطحين مع البيكنغ باودر فوق المزيج و يقلب الكل باليد دون المبالغة في الخلط لأن العجن الزائد يجعل البسكويت أقسى .
تشكيل البسكوتات و خبزها:
- يحمى الفرن على حرارة 180 مئوية و يثبت الرف أسفل الفرن , تجهز صواني الفرن و توضع فوقها ورق الزبدة .
- ترق العجينة بين ورقتي زبدة أو قطعتي نايلون إلى سماكة 4 مم , بواسطة قالب بسكويت نقطع أشكال حسب الرغبة ثم بواسطة قالب أصغر دائري الشكل نقص دائرة في وسط كل بسكوتة , ترفع البسكوتات و ترتب في الصواني مع ترك مسافة بينها ( لتسهيل رفع البسكوتات اغمسي سكين بالطحين و مرريها أسفل البسكوتة مع رفعها بخفة ) .
- يوضع القليل من السكاكر المكسرة وسط كل بسكوتة يمكن استخدام لون واحد أو لونين لتحصلي على تدرج لوني جميل .
- تخبز على الرف السفلي لمدة 15 – 17 دقيقة حتى يصبح أسفلها ذهبي فاتح .
- تترك البسكوتات لتبرد في الصواني 15 دقيقة ( يجب أن تبرد السكاكر داخل البسكوتات و يتصلب ليسهل رفعها من الصينية ) وصحة و عوافي
.
