سلطة الجرجير على طريقة سها

سلطة الجرجير من أعز السلطات لقلبي و بحضرها بمكونات بسيطة و بتطلع كتير طيبة رغم إني بحب البندورة بس سلطة الجرجير بحس هيك لحالها فخمة أهم شي يكون الحمض و الملح ظاهرين شوي و لا أروع , أنا و أخوي منحب الجرجير مقطع خشن بس والدتي بتحبو أنعم ما بيفرق بالطعم يعني الموضوع حسب الزوق .

 

مقادير سلطة الجرجير :

1 باقة جرجير

1 بصلة متوسطة الحجم

التتبيلة :

1 عصير ليمونة أو حسب الرغبة

½ ملعقة صغيرة ثوم مهروس

¼  كوب زيت زيتون

1  ملعقة صغيرة سماق مطحون

1ملعقة صغيرة فليفلة حمراء بودرة ( أو أقل إذا كانت حارة )

ملح حسب الرغبة

الطريقة :

1. ينقى الجرجير من الأوراق الصفراء و يغسل جيدأ و يفرم حسب الرغبة و يوضع في وعاء عميق .
2. يفرم البصل بشكل طولي و يضاف فوق الجرجير ( يمكن فرك البصل بالقليل من الملح كي يطرى و يتخلص من مائه و لكن أنا أفضله مقرمش ).
3. تخلط مقادير التتبيلة و تسكب فوق الجرجير و يخلط الجميع جيدأ , يسكب في جاط التقديم و يزين برشة سماق و رشة فليفلة مطحونة .